Starfsmenn skyndibitakeðja í Bandaríkjunum þéna að meðaltali níu Bandaríkjadali á klukkutímann, en bágborin launakjör þeirra hafa verið reglulega til umfjöllunar í þarlendum fjölmiðlum.
Samkvæmt fjölmiðlum vestan hafs greiddi matvælafyrirtækið YUM!, móðurfélag KFC, Taco Bell og Pizza Hut, forstjóranum sínum 22 milljónir Bandaríkjadala í laun á síðasta ári. Forstjóri McDonalds fékk heldur minna, 7,7 milljónir Bandaríkjadala.
Meðallaun forstjóra í skyndibitageiranum hafa fjórfaldast síðan árið 2000. Í ruslfæðinu hafa topparnir yfir þúsundföld laun hinna lægst launuðu, sem er mesti launamunur í bandaríska hagkerfinu. Til samanburðar má nefna að forstjórar smásölufyrirtækja í Bandaríkjunum eru með 304-föld laun þeirra sem minnst þéna í geiranum, og í byggingageiranum er munurinn 93-faldur.
Lág laun í ruslfæðisgeiranum hafa orðið til þess að ríflega helmingur þeirra lægst launuðu neyðast til að framfleyta sér og sínum með félagslegum úrræðum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir