Donald Trump, for­seti Banda­ríkj­anna, mun í dag kynna áætlun sína um bygg­ingu landamæra­veggs við landa­mæri Banda­ríkj­anna og Mexíkó. Trump skrif­aði á Twittersíðu sína í gær­kvöldi að stór dagur væri í vændum fyrir þjóðar­ör­yggi Banda­ríkj­anna. „Meðal margs ann­ars, þá munum við byggja vegg­inn!“ skrif­aði hann, en Trump mun í dag skrifa undir til­skipun um bygg­ingu veggs­ins í heima­varn­ar­ráðu­neyti Banda­ríkj­anna. Landamæra­vegg­ur­inn var eitt þekktasta kosn­inga­lof­orð Trumps en hann hefur sagt vegg­inn nauð­syn­legan til að stöðva flæði ólög­legra inn­flytj­enda frá Suður Ameríku. 

Samkvæmt frétt New York Times verður þetta það fyrsta í röð aðgerða Trumps til að herða að inn­flytj­endum í nafni þjóðar­ör­yggis, en hann hefur einnig sagst ætla að koma í veg fyrir að Sýr­lend­ingar og aðrir frá „hryðju­verka­hneigðum“ löndum geti sest að í Banda­ríkj­unum. Þá hefur blaðið einnig undir höndum upp­köst af reglu­gerðum innan úr rík­is­stjórn Trumps þar sem meðal ann­ars er lagt til að tekið verði til athug­unar hvort leyni­þjón­usta Banda­ríkj­anna ætti að end­ur­opna svokölluð „svört svæði“ - leyni­leg fang­elsi og yfir­heyrslu­staði leyni­þjón­ust­unnar í öðrum löndum. Þess má geta að Barack Obama, fyrr­ver­andi for­seti Banda­ríkj­anna, lok­aði þessum svæðum í fyrstu viku sinni sem for­seti árið 2009. Þá er einnig til skoð­unar hvort banda­ríski her­inn eigi að taka upp harð­ari yfir­heyrslu­að­ferðir og hvort Múslim­ska bræðra­lagið ætti að vera flokkað sem hryðju­verka­sam­tök. Þá mun flótta­manna­stefna Trumps, sem nú er í smíðum, nán­ast koma í veg fyrir að flótta­menn Sýrlandi geti fengið vernd í Banda­ríkj­unum, sem og flótta­menn frá öðrum múslima­löndum á borð við Afganistan, Írak og Sómalíu. 

Ríkisstofnanir í samskiptabann

Rík­is­stjórn Trumps setti í vik­unni nokkrar rík­is­stofn­anir í tíma­bundið sam­skipta­bann. Starfs­menn umhverf­is­vernd­ar­ráðs Banda­ríkj­anna, EPA, og land­bún­að­ar­ráðu­neyt­is­ins mega til að mynda ekki ræða við neina fjöl­miðla, ekki senda út frétta­til­kynn­ingar, ekki setja inn færslur á blogg­síður og ekki skrifa á sam­skipta­miðla. Í tölvu­pósti til starfs­manna segir meðal ann­ars að ráð­inn verði sér­fræð­ingur sem muni hafa yfir­um­sjón með öllum sam­skipta­miðlum stofn­an­anna. Þá hefur einnig verið sett tíma­bundið bann á fjár­út­lát til nýrra verk­efna.

Trump hefur einnig skrifað undir til­skipun sem kemur í veg fyrir nýráðn­ingar hjá rík­is­stofn­unum, fyrir utan þær sem snúa að hern­aði, heima­vörnum og almanna­ör­yggi. 

Skapbráður forseti

Töluvert hefur verið skrifað um skap­gerð nýja for­set­ans í banda­rískum fjöl­miðlum. Hann er sagður skap­bráður, eiga erfitt með að stjórna til­finn­ingum sínum og að hann verði móðg­aður auð­veld­lega móðg­aður. Í umfjöllun Politico kemur meðal ann­ars fram að einn af nánum ráð­gjöfum Trumps hefur beðið starfs­fólk Hvíta húss­ins að halda frá honum „upp­lýs­ingum sem gætu æst hann upp“. Verkefni sem gæti reynst erfitt þar sem for­set­anum leið­ist auð­veld­lega og hefur gaman að því að horfa á sjón­varpið. 

Í ítar­legri umfjöllun The Washington Post á fyrstu sól­ar­hringum Trumps í Hvíta hús­inu kemur fram að for­set­inn hafi fengið bræðiskast síð­ast­liðið laug­ar­dags­kvöld þegar hann kveikti á sjón­varp­inu og sá umfjöllun fjöl­miðla um kvenna­mót­mælin, sem voru sögð fjöl­menn­ari en inn­setn­ing­ar­at­höfn for­set­ans. Þá á hann að hafa reiðst mjög ráð­gjöfum sínum hvöttu hann til að ein­beita sér að stefnu­málum sínum og mark­miðum og staldra ekki of lengi við þessa umfjöllun. Trump var ekki sam­mála. Hann vildi hörð við­brögð og hann vildi að þau kæmu frá fjöl­miðla­full­trúa Hvíta húss­ins. 

Eins og þekkt er orðið not­aði fjöl­miðla­full­trú­inn, Sean Spicer, fyrsta blaða­manna­fund­inn sinn í að taka fjöl­miðla á teppið. Hann sak­aði fjöl­miðla meðal ann­ars um að hafa vís­vit­andi valið myndir sem sýndu fjöld­ann á inn­setn­ing­ar­at­höfn­inni minni en hann var í raun og sagði að aldrei hefði meiri fjöldi fylgst með inn­setn­ingu for­seta. Þetta var strax hrakið.  

Í umfjöllun The Washington Post kemur fram að Trump hafi ekki verið ánægður með ræðu Spicers, hún hafi ekki verið nógu kraft­mikil.

Á sama tíma og for­seta­emb­ætti Trumps kvartar undan fjöl­miðlum og heim­ildir stofn­ana til að tjá sig við fjöl­miðla eru þrengdar, ber­ast fréttir af því að frétta­menn hafi verið hand­teknir á mót­mælum, sem haldin voru vegna inn­vígslu Trumps í for­seta­emb­ættið. Þeir eru sak­aðir um að hafa verið þátt­tak­endur í mót­mælum, en segj­ast sjálfir hafa verið að fylgj­ast með þeim sem frétta­menn. Þeirra gæti beðið allt að tíu ára fang­elsi, sam­kvæmt refsiramm­anum, eða hátt í 30 millj­óna króna sekt, fyrir að taka þátt í eða hvetja til upp­þota.