Gunnar Bragi Sveinsson utanríkisráðherra er á tímamótum í lífi sínu og stendur í skilnaði. DV staðhæfir í dag að hann og eiginkona hans, Elva Björk Guðmundsdóttir, hafi slitið samvistir. Samkvæmt þjóðskrá hefur hann fært lögheimili sitt heim til foreldra sinna sem búa í fjölbýlishúsi við Sauðármýri á Sauðarárkróki. 

Gunnar Bragi er gríðarlega umdeilur og þá sérstaklega eftir að hann ákvað að enda umsóknarferli vegna ESB í síðustu viku. Ofan á erfiðleika í einkalífinu bætast pólitískir erfiðleikar hans sem enginn veit hvernig munu enda. Mótmæli hófust þegar í gær og stjórnarandstaðan er grá fyrir járnum vegna málsins. 

„Nei, nei, þetta er bara formsatriði. Þetta er tímabundið,“ segir Ingibjörg Gunnhildur Jósafatsdóttir, móðir Gunnars Braga, um flutning hans á heimili þeirra foreldranna. 

Aðspurð um raunir sonarins og hvort hugur hennar væri ekki með honum svaraði hún játandi. 

„Jú, jú. Ætli það ekki“. 

Nýtt lögheimili utanríkisráðherra Gunnar Bragi hefur samkvæmt þjóðskrá flutt lögheimili sitt í þetta fjölbýlishús við Sauðármýri á Sauðarárkróki.