Helgi Magnús Gunn­ars­son, vara­rík­is­sak­sókn­ari, segir í við­tali við Vísi.is að hæl­is­leit­end­urnir, sem hand­teknir voru í Laug­ar­nes­kirkju í síð­ustu viku, hafi verið að „svara kalli kirkj­unnar“ að und­ir­lagi presta. Þessar upp­lýs­ingar segir hann hafa komið fram í sam­skiptum lög­reglu við annan mann­anna eftir hand­tök­una. 

Mynd: Pressphotos.biz

„Ég hef fengið áreið­an­legar upp­lýs­ingar sem ég treysti um að annar mann­anna hafi gefið þá skýr­ingu við lög­reglu eftir hand­tök­una að þetta hafi ekki verið þeirra hug­mynd heldur hafi umræddir prestar hringt í þá og boðið þeim að koma í kirkj­una. Hvort þar réði mestu umhyggja fyrir mönn­unum eða áhugi á að setja upp sýn­ingu fyrir No Border kver­úlanta­klúbb­inn veit ég ekki. Menn­irnir voru því ekki sam­kvæmt þessu að leita til kirkj­unnar á örlaga­tíma í lífi sínu heldur að svara kalli kirkj­unnar,“ er haft eftir Helga.

Toshiki Toma, annar prest­anna sem veittu hæl­is­leit­end­unum skjól, hefur aðra sögu að segja. Fram kemur í stöðu­upp­færslu á Facebook-síðu hans að hæl­is­leit­andi hafi óskað eftir því að fá að fela sig í Laug­ar­nes­kirkju eða dvelja í tjaldi í garði kirkj­unnar. Prest­arnir hafi ekki orðið við þeirri beiðni en boðið mann­inum, auk Alis og Majeds sem senda átti úr landi sömu nótt­ina, að bíða eftir lög­reglu uppi við alt­ari kirkj­unnar.