Þessi grein birtist upphaflega í Stundinni fyrir meira en 8 árum.

Þorgerður Katrín: Fólk með „öfundargen“ elur á togstreitu milli útgerðarmanna og þjóðarinnar

„Það er bú­ið að ala á ákveð­inni tog­streitu af hálfu stjórn­mála­manna,“ sagði ný­kjör­inn þing­mað­ur Við­reisn­ar í við­tali á Út­varpi Sögu. Þing­mað­ur­inn sat með­al ann­ars í stjórn Tækni­skól­ans fyr­ir hönd hags­muna­sam­taka út­gerð­ar­manna og barð­ist gegn hækk­un veiði­gjalda.

Þorgerður Katrín: Fólk með „öfundargen“ elur á togstreitu milli útgerðarmanna og þjóðarinnar

Fólk sem stjórnast af „öfundargeni“ hefur alið á togstreitu á milli útgerðarmanna og þjóðarinnar. Þetta sagði Þorgerður Katrín Gunnarsdóttir, nýkjörin þingkona Viðreisnar, í viðtali á Útvarpi Sögu þann 30. desember en flokkur hennar á nú í stjórnarmyndunarviðræðum við Sjálfstæðisflokkinn og Bjarta framtíð. 

Ummæli Þorgerðar hafa vakið athygli á samfélagsmiðlum í dag eftir að Torfi H. Tulinius, prófessor í íslenskum miðaldafræðum við Háskóla Íslands, vitnaði til þeirra í aðsendum pistli sem birtist í Fréttablaðinu

Þorgerður Katrín sagði í útvarpsviðtalinu það vera „ótrúlega sárt“ að ekki væri sátt milli útgerðarinnar og þjóðarinnar og sagði að stundum væri um að ræða afleiðingu „öfundargena“: Þetta er náttúrlega mögnuð atvinnugrein [sjávarútvegurinn, innsk. blaðam.] og hvað við erum búin að vera að gera hér en eftir stendur að það er ekki sátt á milli útgerðarinnar og þjóðarinnar og það finnst mér ótrúlega sárt. Mér finnst það vont, það er togstreita og það er búið að ala á ákveðinni togstreitu af hálfu stjórnmálamanna í gegnum tíðina, af hálfu alls konar fólks sem að... stundum er kannski ekki nægilega… stundum bara öfundargen sem ráða ríkjum. En síðan er það líka þvermóðska sem kemur fram af hálfu hugsanlega þeirra sem hafa starfað innan atvinnugreinarinnar líka að segja bara að það megi ekki snerta við neinu. Svo ég held að það sé mikil ögrun og áskorun að reyna að kalla fram það samtal sem leiðir til þess að þjóðin verði sáttari og enn ánægðari með sjávarútveginn og að hún fái aukna arðsemi af því að verið er að veiða fiskinn úr sameiginlegri auðlind okkar allra.

Torfi H. Tulinius skrifar um orð Þorgerðar Katrínar í aðsendri grein í Fréttablaðinu í dag. „Íslensk auðmannastétt er því sérlega forhert í hagsmunagæslu sinni. Þetta lýsir sér e.t.v. í orði sem þingmaður Viðreisnar, Þorgerður Katrín Gunnarsdóttir, greip til undir lok viðtals á Útvarpi Sögu 30. des. sl. Um útvegsmenn sem tregðast við að greiða eðlilegt afnotagjald af sameiginlegri auðlind okkar talaði hún af virðingu en sakaði þó um þrjósku. Um þau stjórnmálaöfl sem krefjast auðlindarentu notaði hún orðið „öfundargen“. Orðið ber með sér að öfund sé sumu fólki eðlislæg. Það gefur í skyn að krafan um að auðnum sé skipt af meiri skynsemi og réttlæti sé siðferðislega ámælisverð. Með orðinu virðist þingmaður Viðreisnar opinbera viðhorf valdastéttarinnar til þeirra sem vilja betra, réttlátara og framsæknara samfélag: þeir lúta stjórn öfundargensins og því ekkert mark á þeim takandi.“

Stundin tók viðtal við Þorgerði Katrínu í haust þar sem sjávarútvegsmál báru á góma. Sagðist hún meðal annars vilja ræða umbætur í sjávarútvegi af yfirvegun. „Við viljum ekki stilla útgerðarmönnum upp sem andstæðingum þeirra sem vilja breytingar. Það er þeirra hagur að fá stöðugleika til langs tíma í greinina og þeir hljóta að átta sig á því að þeir verða að taka þátt í því að breyta kerfinu.“

Sem þingkona Sjálfstæðisflokksins barðist Þorgerður af mikilli hörku gegn veiðigjöldunum sem ríkisstjórn Jóhönnu Sigurðardóttur og Steingríms J. Sigfússonar lagði á útgerðarfyrirtæki. Eftir að Þorgerður hætti á þingi árið 2013 tók hún til starfa hjá Samtökum atvinnulífsins. Á meðal aðildarsamtaka þeirra eru Samtök fyrirtækja í sjávarútvegi sem beita sér fyrir útgerðarhagsmunum en Þorgerður sat um tíma fyrir hönd síðarnefndra samtaka í stjórn Tækniskólans.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Fiskveiðar

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár