Kaþólski biskupinn segir „skrítið“ að borga fórnarlömbum sanngirnisbætur

Davíð Tencer, biskup kaþ­ólsku kirkj­unnar á Íslandi, er mót­fall­inn því að fórn­ar­lömb ofbeldis af hálfu kirkj­unnar manna fái sann­girn­is­bætur frá hinu opin­bera. Hann seg­ist hafa beðið fyrir fórn­ar­lömbunum og vilja gjarnan hitta þau, en sér finn­ist „skrítið“ að ríkið sé að borga fólk­inu pen­inga. „Hvers vegna á að borga pen­inga?“ spyr hann. Þetta kemur fram í við­tali við bisk­upinn sem birt­ist í Frétta­tím­anum í dag og hefur vakið gríð­ar­lega athygli. 

Samkvæmt skýrslu rann­sókn­ar­nefndar kaþ­ólsku kirkj­unnar frá 2012 brugð­ust starfs­menn óeði­lega við ásök­unum um ofbeldi starfs­manna kirkj­unnar. Þá voru gerðar til­raunir til að þagga ásak­an­irnar niður, meðal ann­ars af hálfu Patrick Breen sem er enn er að störfum hjá kirkj­unni og gegnir hlut­verki stað­geng­ils bisk­ups. 

„Munu pen­ingar hjálpa þessu fólki? Ég hef mörgum sinnum beðið fyrir fórn­ar­lömbunum. Ég las messur fyrir þau,“ segir Davíð Tencer í við­tali við Frétta­tím­ann. „Ef ég get hjálpað meira, þá er ég til­bú­inn til þess. En þessar bætur eru eins og refs­ing fyrir kaþ­ólsku kirkj­una. Mér finnst skrítið að ríkið ætli að borga þær.“ Davíð er einnig mót­fall­inn því að kirkjan sjálf greiði þolendum sann­girn­is­bætur. 

Umfjöllun blaðs­ins og við­talið við bisk­upinn í heild má lesa hér.