Sveinn Björnsson 

Sem fyrsti for­seti Íslands mót­aði Sveinn Björns­son emb­ættið að mörgu leyti. Þrátt fyrir að hafa verið þing­maður, sendi­herra og rík­is­stjóri Íslands, og verið umdeildur á þeim tíma er hann var kjör­inn, er Sveinn tal­inn hafa sam­einað þjóð­ina á bak við emb­ættið og lagt sig fram um að halda góðu sam­bandi við almenn­ing í land­inu.

Sveinn hafði tals­verð afskipti af stjórn­völdum á meðan hann var for­seti. Hann hafði sterkar skoð­anir á stjórn­ar­mynd­unum og veitti ekki alltaf stærsta flokki stjórn­ar­mynd­un­ar­um­boð. Tvívegis var lagt hart að Sveini að synja lögum um Kefla­vík­ur­samn­ing­inn og aðild Íslands að NATO stað­fest­ingar, en í hvor­ugt skiptið lét hann undan.