Sjálfstæðisflokkurinn lenti fyrr á árinu í vanskilum með lán frá Íslandsbanka sem leiddi til þess að flokkurinn gerði skilmálabreytingu á láninu. Um var að ræða vanskil upp á rúmar þrjár milljónir króna af láni sem var með upphaflegan höfuðstól upp á 125 milljónir króna. Þetta kemur fram í skilmálabreytingu af láninu sem þinglýst var á höfuðstöðvar Sjálfstæðisflokksins, Vallhöll, í febrúar á þessu ári. Undir skilmálabreytinguna ritaði Þórður Þórainsson, framkvæmdastjóri Sjálfstæðisflokksins.