Ofsóttur af Boko Haram en Útlendingastofnun telur öruggt að senda hann til Nígeríu

Útlend­inga­stofnun hefur synjað umsókn Eze Okafor, hæl­is­leit­anda frá Nígeríu, um dval­ar­leyfi af mann­úð­ar­á­stæðum en stofn­unin telur að honum sé ekki hætta búin í heima­land­inu. Eze flúði Nígeríu árið 2011 eftir að liðs­menn Boko Haram höfðu ráð­ist á hann, veitt honum alvar­legt stungu­sár og drepið bróður hans í borg­inni Mai­dug­uri í norð-aust­ur­hluta Nígeríu.

Hann sótti fyrst um hæli hér á landi í apríl 2012 og síðar um dval­ar­leyfi af mann­úð­ar­á­stæðum, meðal ann­ars á grund­velli sér­stakra tengsla við landið, en hann á unn­ustu hér á landi auk þess sem hann hefur eign­ast hér fjöl­marga nána vini í gegnum störf sín fyrir krist­inn söfnuð sem og í mann­rétt­inda­bar­áttu.

Útlend­inga­stofnun kemst hins­vegar að þeirri nið­ur­stöðu í úrskurði sínum að Eze eigi ekki rétt á dval­ar­leyfi af mann­úð­ar­á­stæðum, meðal ann­ars á þeirri for­sendu að hann eigi enga ætt­ingja hér á landi. Í því sam­bandi skipti litlu máli að hann eigi unn­ustu og nána vini hér á landi.