Þessi grein birtist upphaflega í Stundinni fyrir meira en 8 árum.

Segir að endurkjör Benedikts yrði skólanum til háðungar

Ung­ur list­fræð­inemi gagn­rýn­ir fjár­mála­ráð­herra fyr­ir að vilja gegna for­mennsku í Holl­vina­fé­lagi MR með­an hann sker nið­ur til fram­halds­skóla og býð­ur sig fram á móti hon­um.

Segir að endurkjör Benedikts yrði skólanum til háðungar

Benedikt Jóhannesson, fjármála- og efnahagsráðherra, hefur fengið mótframboð til formanns hjá Hollvinafélagi Menntaskólans í Reykjavík. Formannskjörið fer fram næstu helgi, en eins og Stundin greindi frá í síðustu viku sækist Benedikt eftir endurkjöri. Hefur hann gegnt formannshlutverkinu allt frá stofnun félagsins.

Hollvinafélagið hefur gagnrýnt að MR fái „lægri framlög en sambærilegir skólar“ í fjárlögum, en næsta haust kemur það í hlut Benedikts sjálfs að leggja fram frumvarp til fjárlaga. 

„Það verður að teljast afar óheppilegt að fjármálaráðherra gegni formannshlutverki í hollvinafélagi stofnunar sem hann ákvarðar sjálfur fjárframlög til. Raunar yrði það Menntaskólanum í Reykjavík til háðungar ef sami maður og stendur að stórfelldum niðurskurði til framhaldsskóla yrði áfram andlit hollvinafélags skólans,“ skrifar Hrafnkell Hringur Helgason, listfræðinemi sem býður sig fram til formanns Hollvinafélagsins gegn fjármálaráðherra.

Hrafnkell Hringur sendi fjölmiðlum fréttatilkynningu í kvöld og birti jafnframt yfirlýsingu á Facebook-síðu sinni þar sem hann gagnrýnir framboð Benedikts harðlega og tilkynnir um eigið framboð. Hringur segir að sér þyki framboð Benedikts afar „torkennilegt“ og að hann telji sjálfan sig betur til þess fallinn að skapa frið um störf Hollvinafélagsins. Óeðlilegt sé að fjármálaráðherra landsins gegni hlutverkinu.

Samkvæmt fjármálaáætlun ríkisstjórnarinnar, sem Benedikt Jóhannesson kynnti í byrjun apríl, verður dregið verulega úr fjárframlögum til framhaldsskólastigsins næstu fimm árin. Strax á næsta ári mun menntakerfið sæta fjórfalt strangari aðhaldskröfu en gert var ráð fyrir í fjármálaáætlun síðustu ríkisstjórnar. 

„Hverju sætir hún, þessi æpandi þögn Hollvinafélags MR um niðurskurð Benedikts til framhaldsskóla?“

„Brátt eru liðnir tveir mánuðir síðan fjármálaáætlun Benedikts Jóhannessonar var kynnt almenningi. Stjórnendur framhaldsskóla og framhaldsskólakennarar hafa gert alvarlegar athugasemdir við áætlunina. Hins vegar hefur enn ekki heyrst múkk frá Hollvinafélagi MR,“ skrifar Hrafnkell Hringur í framboðstilkynningu sinni. „Hverju sætir hún, þessi æpandi þögn Hollvinafélags MR um niðurskurð Benedikts til framhaldsskóla? Getur hugsast að þögnin hafi eitthvað með það að gera að Benedikt er sjálfur formaður Hollvinafélagsins?“

Hrafnkell segir að sem formaður Hollvinafélagsins muni hann leggja höfuðáherslu á að berjast af hörku gegn fjársveltistefnu Benedikts Jóhannessonar. „Ég skora á alla fyrrverandi MR-inga sem eru ósáttir við fjársveltistefnu Benedikts Jóhannessonar að fjölmenna á aðalfund Hollvinafélagsins sem fram fer laugardaginn 27. maí kl. 13.00 í sal Menntaskólans í Reykjavík,“ skrifar hann.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

ACD-ríkisstjórnin

Unnu náið með hæsta­réttar­dómurunum meðan þeir dæmdu Arn­fríðar­mál
Fréttir

Unnu ná­ið með hæsta­rétt­ar­dómur­un­um með­an þeir dæmdu Arn­fríð­ar­mál

Arn­fríð­ur Ein­ars­dótt­ir lands­rétt­ar­dóm­ari starf­aði sjálf sem vara­dóm­ari með tveim­ur þeirra hæsta­rétt­ar­dóm­ara sem tóku af­stöðu um hæfi henn­ar og bærni til að kveða upp dóma á sama tíma og mál­ið var til með­ferð­ar. Hinir þrír sem vald­ir voru í Lands­rétt í trássi við stjórn­sýslu­lög störf­uðu einnig ná­ið með hæsta­rétt­ar­dómur­un­um með­an Hæstirétt­ur tók fyr­ir mál sem hefði getað sett dóm­ara­störf fjór­menn­ing­anna í upp­nám.

Mest lesið

Ferðamenn hafi þrengt sér „inn í það allra helgasta“
1
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið

Mest lesið í vikunni

Ferðamenn hafi þrengt sér „inn í það allra helgasta“
2
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið í mánuðinum

Hann var búinn að öskra á hjálp
3
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.

Mest lesið í mánuðinum

Nýtt efni

Mest lesið undanfarið ár