Alþingi sam­þykkti aft­ur­virkar breyt­ingar á almanna­trygg­inga­lögum í gær­kvöldi sem fela í sér skerð­ingu á fimm millj­arða rétt­indum sem elli­líf­eyr­is­þegar öðl­uð­ust í jan­úar og febr­úar vegna mis­taka sem urðu við laga­setn­ingu síð­asta haust. Þingmenn Bjartrar fram­tíðar, Fram­sókn­ar­flokks­ins, Við­reisnar og Sjálf­stæð­is­flokks­ins greiddu atkvæði með lög­unum en aðrir sátu hjá að und­an­skildum Birgittu Jóns­dóttur og Jóni Þór Ólafs­syni þing­mönnum Pírata.

Mistökin við breyt­ing­arnar á almanna­trygg­inga­lögum síð­asta haust ollu því að sam­kvæmt laga­bók­stafnum hefðu tekjur úr líf­eyr­is­sjóðum ekki átt að gilda til skerð­ingar á elli­líf­eyri. Ætlunin var hins vegar að þetta ætti ein­ungis við um útreikn­ing örorku­líf­eyris. Í jan­úar og febr­úar fór Trygg­inga­stofnun eftir vilja lög­gjafans en ekki laga­bók­stafnum, en rétt fram­kvæmd lag­anna hefði kostað hið opin­bera um 5 millj­arða króna. Í umræðum um málið í gær sagði Nichole Leigh Mosty, for­maður vel­ferð­ar­nefndar Alþingis, að um væri að ræða „mis­tök sem óvart bjuggu til rétt­indi sem aldrei var ætl­unin að gefa“.  

MYND: PRESSPHOTOS

Meiri­hluti vel­ferð­ar­nefndar Alþingis lagði fram frum­varpið í síð­ustu viku þar sem lagt var til að rétt­indin sem urðu til fyrir mis­tök yrðu skert með aft­ur­virkum hætti. „Gert er ráð fyrir að leið­rétt­ingin gildi um þá ein­stak­linga sem höfðu öðl­ast rétt til elli­líf­eyris skv. 17. gr. eða ráð­stöf­un­ar­fjár skv. 8. mgr. 48. gr. og 1. mgr. 56. gr. laga um almanna­trygg­ingar frá sama tíma­þegar og lög nr. 116/2016 öðl­uð­ust gildi, þ.e. 1. jan­úar 2017, og þá sem öðl­ast hafa rétt til elli­líf­eyris eða ráð­stöf­un­ar­fjár eftir þann tíma,“ segir í grein­ar­gerð frum­varps­ins. „Gildir það einnig um þá ein­stak­linga sem öðl­ast hafa rétt til elli­líf­eyris eða ráð­stöf­un­ar­fjár á fram­an­greindum tíma en kunna að sækja síðar um greiðslur frá Trygg­inga­stofnun rík­is­ins.“