Plain Vanilla: Eftirsóttasti vinnustaður landsins logar í deilum

Starfs­fólk Plain Vanilla íhugar stöðu sína eftir að til­von­andi trún­að­ar­manni var sagt upp störfum viku fyrir kosn­ingar. Heim­ildir herma að sumir starfs­menn séu að leita sér að nýrri vinnu. Samkvæmt bréfi til­von­andi trún­að­ar­manns eru starfs­menn hræddir við rekstr­ar­stjóra.

Mikil ólga er nú meðal starfs­manna Plain Vanilla, fram­leið­anda spurn­inga­leiks­ins QuizUp. Þrátt fyrir að tæp­lega hund­rað manns vinni hjá fyr­ir­tæk­inu, sem hefur vaxið ört síð­ustu miss­eri, er þar eng­inn starf­andi trún­að­ar­maður. Í stað trún­að­ar­manns hangir tafla upp á vegg á skrif­stof­unni, þar sem ætl­ast er til að starfs­menn komi athuga­semdum á fram­færi, sem ann­ars færu til trún­að­ar­manns.

Starfs­menn hafa ekki verið sáttir við þetta fyr­ir­komu­lag. Hefur verið vax­andi þrýst­ingur innan félags­ins að kos­inn sé trún­að­ar­maður innan þess, eins og kveðið er á um í lögum og kjara­samn­ingum. Sá starfs­maður sem hvað harð­ast hafði gengið fram í þeirri kröfu, og var kom­inn með nægan stuðn­ing til þess að hljóta kjör, var svo rek­inn, viku áður en kosn­ingin fór fram. Hann sendi bréf til Þor­steins Frið­riks­sonar, for­stjóra fyr­ir­tæk­is­ins, þar sem hann útlistar vanda­mál félags­ins.

Reglu­lega birt­ast fréttir þar sem Plain Vanilla er málað sem einn eft­ir­sótt­asti vinnu­staður á land­inu. Vísir birti í fyrra frétt þar sem greint var frá því að kokkur frá Argent­ínu eld­aði hádeg­is­mat, Nútíminn birti mat­seð­il­inn og Við­skipta­blaðið greindi frá því að starfs­menn fengju vörur frá Apple.

Stundin náði tali af Þor­steini Frið­riks­syni, for­stjóra fyr­ir­tæk­is­ins, þar hann var staddur í San Francisco um miðja nótt á stað­ar­tíma. Hann sagði fyrst að hann kann­að­ist ekk­ert við ólgu á meðal starfs­manna en þegar bréf trún­að­ar­manns­ins var borið undir hann kaus hann að tjá sig ekki um málið. Ekki náð­ist í Gunnar Hólm­stein Guð­munds­son, rekstr­ar­stjóra félags­ins, við vinnslu fréttar.

Uppfært kl. 16:20: Starfs­mað­ur­inn sem var rek­inn á dög­unum hafði sam­band við Stundina og vildi að það kæmi skýrt fram að hann hafi ekki afhent Stund­inni tölvu­póst sinn til Þor­steins. Stundin hafði sam­band við mann­inn við vinnslu fréttar og vildi hann þá ekki tjá sig opin­ber­lega um málið. 

Tússtafla í stað trúnaðarmanns

Umræddur fyrr­ver­andi starfs­maður sendi Þor­steini Frið­riks­syni, for­stjóra fyr­ir­tæk­is­ins, langt bréf í kjöl­far brott­rekst­urs­ins. Í bréf­inu, sem Stundin hefur undir höndum, kemur fram að und­an­farið hafi starfs­manna­mál félags­ins verið í lama­sessi. Líkt og hefur komið fram er eng­inn trún­að­ar­maður en í stað hans kemur tús­stafla í almennu rými þar sem starfs­menn eiga að skrifa niður áhyggjur sínar. Samkvæmt bréfi til­von­andi trún­að­ar­manns var spurt á töfl­unni hvers vegna eng­inn trún­að­ar­maður væri á vinnu­staðnum. Þeirri spurn­ingu á Gunnar Hólm­steinn Guð­munds­son, rekstr­ar­stjóri félags­ins, að hafa svarað á þann veg að slíkt væri ónauð­syn­legt þar sem allir væru dug­legir að ræða málin á per­sónu­legum og til­finn­inga­legum nótum.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár