„Ég hef aldrei orðið fyrir fordómum út af því ég er múslimi. Sumir eru samt forvitnir því það er ekki algengt hér á Íslandi að konur gangi með slæðu,“ segir Derya Kevioglu Oezdilek, 28 ára dönsk kona sem flutti til Íslands með fjölskyldu sinni fyrir hálfu þriðja ári. „Ég get sagt þér eina skemmtilega sögu,“ segir hún og brosir: „Ég var einu sinni að versla í Nettó úti á Granda þegar ég tók eftir því að eldri hjón virtust vera að elta mig. Þau fylgdust gaumgæfilega með því þegar ég setti tómata ofan í körfuna mína og þegar ég setti mjólk í körfuna. Þau voru ekkert að versla sjálf heldur héldu sig alltaf nálægt mér, án þess þó að segja neitt. Allt í einu kemur síðan starfsmaður Nettó til mín, ung kona, og fer að tala um hvað henni þyki slæðan mín falleg. Hún talaði við mig á íslensku og ég svaraði henni á íslensku. Gömlu hjónin létu sig þá hverfa. Þau hafa séð að ég er bara venjuleg kona sem borðar tómata, drekkur mjólk og talar íslensku, þó ég þurfi auðvitað að æfa mig miklu meira,“ segir hún. Derya brosir enn sínu blíðasta og ég sannfærist fljótt um að brosmildi er eitt af því sem einkennir hana.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir