Oddný: Háskólarnir fjársveltir og vegakerfið látið grotna niður

Oddný G. Harð­ar­dóttir, for­maður Sam­fylk­ing­ar­innar, gagn­rýnir harð­lega þá for­gangs­röðun sem birt­ist í áliti meiri­hluta fjár­laga­nefndar um fjár­mála­á­ætlun Bjarna Bene­dikts­sonar fjár­mála­ráð­herra til næstu fimm ára. 

„Meiri­hlut­inn leggur ekki fram breyt­ing­ar­til­lögur um for­gangs­röðun heldur vill að fjár­mála­á­ætl­unin til næstu fimm ára sé sam­þykkt nán­ast óbreytt,“ segir Oddný í sam­tali við Stundina.

Mynd: Pressphotos.biz / Geiri

„Sú fram­tíð­ar­sýn, sem dregin er upp í fjár­mála­á­ætl­un­inni og ég vil líta á sem kosn­inga­lof­orð rík­is­stjórn­ar­flokk­anna, er ekki fögur, hvort sem litið er til efna­hags­legu hlið­ar­innar né ef maður horfir til for­gangs­röð­unar í vel­ferð­ar­málum.“

Eins og Stundin hefur áður fjallað um felur fjár­mála­á­ætlun Bjarna Bene­dikts­sonar í sér að mennta- og heil­brigð­is­kerf­inu verði áfram skor­inn þröngur stakkur næstu fimm árin auk þess sem fjár­fest­ing­ar­stig hins opin­bera verður áfram jafn lágt og á tímum krepp­unnar.

Vigdís Hauks­dóttir er for­maður fjár­laga­nefndar og Guð­laugur Þór Þórð­ar­son er vara­for­maður.

Mynd: Myndir af vef­síðum Fram­sókn­ar­flokks­ins og Sjálf­stæð­is­flokks­ins

Meiri­hluti fjár­laga­nefndar vill þó ganga enn lengra í aðhaldi og hag­ræð­ingu hjá hinu opin­bera eins og Stundin fjall­aði um í morgun.

„Ef áætl­unin nær fram að ganga mun heil­brigð­is­þjón­usta drag­ast saman. Það sem er ætlað Land­spít­al­anum og sjúkra­hús­inu á Akureyri nægir ekki til