Lektor kallaður á fund ráðuneytis í kjölfar hótana

Bjarni Már Magn­ús­son, lektor við Háskól­ann í Reykja­vík, var boð­aður á sér­stakan fund í utan­rík­is­ráðu­neyt­inu vegna erindis sem hann hugð­ist flytja í Shanghæ í Kína. Fund­ar­boðið barst nokkrum dögum eftir að Tómas H. Heiðar, for­stöðu­maður Haf­rétt­ar­stofn­unar Íslands og dóm­ari við Alþjóð­lega haf­rétt­ar­dóm­inn, hafði sent Bjarna Má tölvu­pósta þar sem þrýst var á lekt­or­inn að sníða erindið að utan­rík­is­hags­munum Íslands. Það var Birgir Búason, fyrrum und­ir­maður Tómasar þegar sá síð­ar­nefndi var þjóð­rétt­ar­fræð­ingur utan­rík­is­ráðu­neyt­is­ins, sem sendi Bjarna boð um fund­inn í ráðu­neyt­inu undir þeim for­merkjum að þar ætti að ræða land­grunns­mál.

Ráðu­neytið hefur áður svarið af sér að hafa haft nokkra aðkomu að mál­inu. Í nýlegu svari Urðar Gunn­ars­dóttur, upp­lýs­inga­full­trúa utan­rík­is­ráðu­neyt­is­ins, við fyr­ir­spurn Stund­ar­innar, var full­yrt að skila­boð sem Tómas sendi úr net­fangi sínu hjá ráðu­neyt­inu hefðu hvorki verið send í umboði ráðu­neyt­is­ins, né hefðu tölvu­pósts­sam­skiptin tengst störfum hans hjá ráðu­neyt­inu. Fyrr­nefndur Birgir Búason og Kristján Andri Stef­áns­son, skrif­stofu­stjóri laga- og stjórn­sýslu­skrif­stofu ráðu­neyt­is­ins sem einnig er for­maður Lög­fræð­inga­fé­lags Íslands, voru á meðal þeirra sem sátu fund­inn með lekt­ornum.