Kennarar í grunn­skól­anum Akur­skóla í Reykja­nesbæ hafa sent frá sér yfir­lýs­ingu um að þeim sé nóg boðið vegna stór­felldra launa­hækk­ana stjórn­mála­manna og að þeir hygg­ist segja upp störfum.

Yfir­lýs­ingin, sem birt­ist fyrst á vef Vík­ur­frétta, var sam­þykkt á fundi kenn­ara í Akur­skóla í gær en þeim finnst lítið gert úr störfum þeirra og að nýj­ustu fréttir af launa­hækk­unum ráða­manna hafi verið kornið sem fyllti mæl­inn.

Þá taka þeir fram að þótt kjara­ráð dragi ákvörðun sína til­baka þá sé mælir­inn orð­inn fullur. Kennarar hafi enga þol­in­mæði lengur gagn­vart samn­inga­við­ræðum sem „miða að því að láta fjöl­breytt skóla­starf passa í „Excel skjal“ og hár­tog­unum um atriði sem litlu máli skipta.“

Vilja samræmda vinnustöðvun strax

Þá segja þeir að flótti kenn­ara úr stétt­inni sé stig­vax­andi á sama tíma og færri sækja í grunn­skóla­kenn­ara­námið ár hvert og því sé fram­tíðin mjög óljós.

Kröfur kennar­anna:

• Fram­kvæmdar verði við­eig­andi aðgerðir til að fram­kalla sam­ræmda vinnu­stöðvun grunn­skóla­kenn­ara strax og telja þeir sem hjá Akur­skóla starfa að það sé skylda Kenn­ara­sam­bands Íslands að fara eftir þeim til­mælum.
• Um miðja síð­ustu öld voru laun alþing­is­manna miðuð við laun kenn­ara og fara þeir fram á að það við­mið verði tekið upp að nýju.

Tölu­verður fjöldi kenn­ara starfar við Akur­skóla en sam­kvæmt vef­síðu skól­ans eru þeir tæp­lega þrjá­tíu tals­ins.

Yfirlýsingin í heild sinni:

Þol­in­mæði kenn­ara Akur­skóla er á þrotum. Við teljum að lítið sé gert úr okkar störfum og nýj­ustu fréttir af launa­hækk­unum æðstu ráða­manna eru kornið sem fyllti mæl­inn.

Alger­lega óháð því hvort kjara­ráð dragi sinn úrskurð til baka hafa kenn­arar enga þol­in­mæði lengur gagn­vart samn­inga­við­ræðum sem miða að því að láta fjöl­breytt skóla­starf passa í „Excel skjal“ og hár­tog­unum um atriði sem litlu máli skipta.

Við vitum í hverju starf okkar felst og þurfum ekki að láta skil­greina það fyrir okkur.

Núver­andi ástand í stétt­inni er ólíð­andi og æ fleiri kenn­arar flýja i önnur störf, færri sækja í grunn­skóla­kenn­ara­námið og því er fram­tíðin mjög óljós. Einnig er ómögu­legt að troða grunn­skólum lands­ins í fyrr­nefnt Excelskjal því þar er ekki tekið til­lit til þess fjöl­breyti­leika sem fylgir skóla án aðgrein­ingar.

Hvorki ríki né sveit­ar­fé­lög geta lengur vikið sér undan ábyrgð og hvað þá falið sig á bak við samn­inga­nefnd sveit­ar­fé­laga. Við viljum hærri laun en ekki stöðuga sölu á rétt­indum okkar og krefj­umst launa sam­kvæmt þeirri ábyrgð sem við berum í okkar starfi.

Við förum fram á að fram­kvæmdar verði við­eig­andi aðgerðir til að fram­kalla sam­ræmda vinnu­stöðvun grunn­skóla­kenn­ara strax og teljum það skyldu KÍ að fara að þeim til­mælum.

Að óbreyttu verður gripið til hóp­upp­sagna 1. maí 2017.

Einnig bendum við á að um miðja síð­ustu öld voru laun alþing­is­manna miðuð við laun kenn­ara og förum fram á að það við­mið verði tekið upp að nýju. Ályktun þessi var sam­þykkt á kenn­ara­fundi 2. nóv­em­ber 2016.

Kennarar við Akur­skóla