Júlíus Vífill afneitar ásökunum systkina sinna um undanskot á fjölskylduauðnum

Syst­ur­sonur og tvö systk­ini Júlíusar Vífils Ingv­ars­sonar, fyrr­ver­andi borg­ar­full­trúa, segja að hann hafi við­ur­kennt dag­inn eftir opin­berun Panama-skjal­anna að sjóðir for­eldra hans væru geymdir í aflands­fé­lagi í hans eigu. Þetta kom fram í umfjöllun Kast­ljóss í kvöld. Júlíus neit­aði að svara spurn­ingum Kast­ljóss vegna máls­ins, en segir í stuttri yfir­lýs­ingu að það séu ósann­indi að hann hafi sölsað undir sig sjóði ann­arra. 

Í umfjöllun Kast­ljóss var rekin saga Ingvars Helga­sonar og Sigríðar Guð­munds­dóttur, for­eldra Júlíusar, sem á sínum tíma ráku ein stærstu fyr­ir­tæki lands­ins, Ingvar Helgason hf. og Bílheima hf. Fyr­ir­tækin skil­uðu góðum hagn­aði og var Ingvar sjálfur meðal auð­ug­ustu manna lands­ins. Það kom því mörgum á óvart þegar fyr­ir­tækin voru seld úr höndum erf­ingja hans og eig­in­konu fyrir 25 millj­ónir fimm árum eftir and­lát hans. Upphófst þá mikil leit að erlendum vara­sjóði hjón­anna en hann var enn ófund­inn þegar Sigríður lést á síð­asta ári. 

Eftir umfjöllun Kast­ljóss um Panama-skjölin og aflands­fé­lag Júlíusar Vífils segj­ast systk­ini hans hafa lagt saman tvo og tvo. Hann hafi síðan við­ur­kennt að sjóðir for­eldra þeirra væru geymdir í aflands­fé­lagi.

Hann hafi hins vegar sagt föður sinn hafa fært sér og bræðrum sínum tveimur yfir­ráð yfir sjóðnum. Júlíus á hins vegar að hafa sagt að hann hafi alltaf ætlað að færa féð inn í dán­arbú for­eldra sinna, en ekki hafa fundið rétta tím­ann til þess, að sögn syst­ur­sonar hans sem rætt var við í Kast­ljósi.

Persónulegur eftirlaunasjóður

Í fyrstu umfjöllun Kast­ljóss og Reykja­vík Media var greint frá því að Júlíus Vífill stofn­aði aflands­fé­lagið Silwood Foundation á Panama í árs­byrjun 2014. Hann var jafn­framt eini kjörni full­trú­inn sem gögn Mossack Fonseca ná til sem hefur stofnað aflands­fé­lag eftir hrun. Í yfir­lýs­ingu sem hann sendi frá sér í apríl, eftir að hafa ítrekað neitað að svara spurn­ingum frétta­manna, sagði að um per­sónu­legan eft­ir­launa­sjóð væri að ræða og að allt sem við komi sjóðnum væri í sam­ræmi við íslensk lög og reglur. Þá liggi fyr­ir­komu­lag sjóðs­ins og aðrar upp­lýs­ingar fyrir hjá skatta­yf­ir­völdum. 

Júlíus Vífill sagði af sér sem borg­ar­full­trúi Sjálf­stæð­is­flokks­ins í kjöl­far umfjöll­un­ar­innar. 

„Algjör ósannindi eða ómerkileg illmælgi“

Júlíus Vífill vildi sem fyrr segir ekki svara spurn­ingum Kast­ljóss vegna eft­ir­launa­sjóðs for­eldra sinna. Hann sendi þætt­inum hins vegar stutta yfir­lýs­ingu í dag þar sem segir að það litla sem hann hafi sé að komi fram í þætti kvöldsin séu ýmist algjör ósann­indi eða ómerki­leg ill­mælgi. „Sér­stak­lega er ótrú­lega ófyr­ir­leitið að halda því fram að ég hafi með ein­hverjum hætti gengið í eða sölsað undir mig sjóði í eigu ann­arra sem eru gróf ósann­indi og mann­orðs­meið­andi. Er yfir­leitt hægt að bregð­ast við get­gátum og dylgjum sem ekki byggja á neinum gögnum? Úr ágrein­ingi varð­andi skipti á dán­ar­búi sem nú er í opin­berum skiptum verður leyst með öðrum hætti en í Kast­ljós­þætti rík­is­sjón­varps­ins. Ég áskil mér allan rétt til að bregð­ast síðar við þessum þætti,“ skrif­aði Júlíus Vífill.