„Heyrir til undantekninga að handhafi ákæruvalds tali af slíku ábyrgðarleysi“

Ragnar Aðal­steins­son, hæsta­rétt­ar­lög­maður hjá lög­manns­stof­unni Rétti og einn virt­asti mann­rétt­inda­lög­fræð­ingur Íslands, gagn­rýnir Helga Magnús Gunn­ars­son vara­rík­is­sak­sókn­ara harð­lega vegna fram­göngu hans gagn­vart tveimur þjóð­kirkju­prestum og írök­skum hæl­is­leit­endum í fjöl­miðlum.

Mynd: Pressphotos.biz

Á föstu­dag­inn var haft eftir Helga á Vísi.is að hæl­is­leit­end­urnir, sem hand­teknir voru í Laug­ar­nes­kirkju þann 28. júní síð­ast­lið­inn, hefðu verið að „svara kalli kirkj­unnar“ að frum­kvæði prest­anna. Þessar upp­lýs­ingar sagði sak­sókn­ar­inn að komið hefðu fram í sam­skiptum lög­reglu við annan mann­anna eftir hand­tök­una. Höfundur frétt­ar­innar greindi svo frá því í umræðum á Facebook sama dag að Helgi hefði sagt sér að upp­lýs­ing­arnar hefðu komið fram í yfir­heyrslum lög­reglu. Annar prest­anna hafði aðra sögu að segja af aðdrag­anda atviks­ins.

Ragnar Aðal­steins­son lög­maður segir í sam­tali við Stundina að hann telji ábyrgð­ar­laust af hand­hafa ákæru­valds að tjá sig með þeim hætti sem Helgi Magnús gerir. „Af við­tal­inu við Helga Magnús Gunn­ars­son, vara­rík­is­ak­sókn­ara, verður ekki annað ráðið en hann hafi ein­ungis fyrir sér sögu­sagnir lög­reglu um ummæli hand­tek­ins manns, sem á yfir höfði sér brott­flutn­ing til lands þar sem hann ótt­ast ofsóknir,“ segir Ragnar og bætir við: „Slíkar sögu­sagnir eru að sjálf­sögðu að engu haf­andi og heyrir til und­an­tekn­inga að hand­hafi ákæru­valds tali af slíku ábyrgð­ar­leysi.“