Sig­mundur Davíð Gunn­laugs­son, fyrr­ver­andi for­sæt­is­ráð­herra og þing­maður Fram­sókn­ar­flokks­ins, brást í kvöld við gagn­rýni sem hann hefur sætt fyrir að mæta illa til vinnu. Í svari sínu kallar hann þing­mann Pírata, Smára McCarthy, vara­þing­mann. Smári er í hópi þeirra þing­manna sem hafa haldið flestar þing­ræður og talað hvað lengst eftir að þing kom saman í des­em­ber. 

„Það er langt síðan ég hætti að nenna að svara nettröllum, jafn­vel þótt þau detti inn á Alþingi. Ég ætla þó að gera smá und­an­tekn­ingu því frúin er að ergja sig á því að kunn­ug­legir hrekkjalómar séu að reyna að halda því fram að ég sinni ekki vinn­unni. Hún er nefni­lega orðin lang­þreytt á bið­inni eftir að ein­hver skammi mig fyrir hið gagn­stæða, þ.e. að van­rækja fjöl­skyld­una,“ skrifar Sig­mundur í stöðu­upp­færslu sem hann birti á Facebook. „Henni fannst því fokið í flest skjól þegar að ónefndur frétta­maður Vísis hafði eftir vara­þing­manni Pírata að ég væri ekki nógu mikið í vinn­unni og það dag­inn eftir að hún spurði hvort ég væri alveg búinn að gleyma að ég ætti fjöl­skyldu.“

Í frétt­inni sem Sig­mundur Davíð vísar til er vitnað í orð Smára McCarthy, þing­manns Pírata, sem segir að sér kross­bregði í hvert skipti sem hann sjái Sigmund í þing­hús­inu. 

Smári bregst við ummælum Sig­mundar og skrifar:

„Ef þú mættir aðeins oftar, eins og lög kveða á um, þá mynd­irðu vita að ég er ekki vara­þing­maður. Öll sinnum við fundum og ýmis­konar störfum þing­manna langt frá Aust­ur­velli (í augna­blik­inu er ég að sinna þing­störfum í 7400km fjar­lægð frá Aust­ur­velli, til dæmis), en flestir þing­menn sjá sér samt fært að mæta á nefnd­ar­fundi og atkvæða­greiðslur, þó ekki sé annað.“

Þá leggur Viktor Orri Val­garðs­son, vara­þing­maður Pírata, orð í belg og spyr Sigmund hvort hann viti í alvör­unni ekki að Smári McCarthy er Alþing­is­maður. 

„Þegar þú segir "vara­þing­maður Pírata" þá ertu vænt­an­lega að vísa í Smára McCarthy þing­mann, þar sem fyr­ir­sögn Vísis er til­vitnun í hans orð og Helgi Bergmann er hvorki þing­maður né vara­þing­maður Pírata. Vissirðu í alvöru alvöru ekki að Smári er alþing­is­maður? Þú ættir í alvöru að mæta oftar,“ skrifar Viktor og bætir við: „Það er sko mjög lítið vanda­mál fyrir alla aðra þing­menn að fylgja (í mis­miklum mæli) lögum um mæt­ingu þing­manna á fundi þings og fasta­nefnda, jafn­framt því að sinna öðrum hlutum starfs­ins og kjör­dæma sinna. Hvað ertu eig­in­lega búinn að vera að gera svona miklu meira utan þings­ins en aðrir þing­menn á þessu þingi, að þú hefur ómögu­lega getað mætt eða boðað for­föll á fleiri en örfáa þing­fundi, eða á fleiri en 4 nefnd­ar­fundi af 13?“

Mynd: Wikimedia / Zinneke (CC license)

Frá því Alþingi var sett þann 6. des­em­ber hefur Sig­mundur Davíð verið fjar­ver­andi í 87 pró­sent atkvæða­greiðsla. Hann var sein­ast við­staddur í atkvæða­greiðslu þann 22. des­em­ber á sein­asta ári þegar hann sam­þykkti mál um frestun á fundum Alþingis. Síðan þá hefur hann verið fjar­ver­andi og ekki kallað inn vara­mann í sinn stað. Auk þing­setu er Sig­mundur Davíð aðal­maður í utan­rík­is­mála­nefnd. Fastir fundir í nefnd­inni eru á þriðju­dögum og fimmtu­dögum en frá því nefndin hóf störf sín í lok jan­úar hefur Sig­mundur aðeins mætt á fimm fundi af 19. Þegar hann hefur mætt hefur hann mætt of seint, fyrir utan eitt skipti. Mest hefur Sig­mundur komið einum klukku­tíma og 41 mín­útu of seint, en þeim fundi var slitið 19 mín­útum síðar.

Sig­mundur Davíð þiggur þing­far­ar­kaup sem nemur um 1,1 milljón króna á mán­uði. Í ljósi þess að Sig­mundur er þing­maður í Norð­aust­ur­kjör­dæmi, eftir að hann skráði sig til heim­ilis á eyði­býli í eigu tengda­for­eldra sinna á Fljóts­dals­hér­aði, á hann rétt á sam­tals 204 þús­und krónur á mán­uði í skatt­frjálsar tekjur vegna hús­næðis- og dval­ar­kostn­aðar, ferða­kostn­aðar og starfs­kostn­aðar.