Þor­steinn Sæmunds­son, þing­maður Fram­sókn­ar­flokks­ins, hvatti til þess í framí­kalli á Alþingi í dag að þing­kosn­ingar yrðu haldnar í apríl 2017. Skömmu áður höfðu bæði for­sæt­is­ráð­herra og fjár­mála- og efna­hags­ráð­herra gefið fyr­ir­heit um að kosið yrði í haust. Þingmenn stjórn­ar­and­stöð­unnar hneyksl­uð­ust á ummælum Þor­steins, en sjálfur tók hann ekki til máls í umræð­unum.

„Þing­maður Fram­sókn­ar­flokks­ins, Þor­steinn Sæmunds­son, kall­aði hér af aftasta bekknum fram í að kosn­ingar gætu verið í apríl 2017,“ sagði Helgi Hjörvar, þing­maður Sam­fylk­ing­ar­innar. „Þing­mað­ur­inn er full­trúi Fram­sókn­ar­flokks­ins í for­sætis­nefnd og það vekur auð­vitað enn á ný þær spurn­ingar hvort það sé raun­veru­lega fyr­ir­ætlun rík­is­stjórn­ar­innar að drepa málum á dreif og reyna að fresta kosn­ingum fyrst fram á haustið og síðan fram á vorið og hvort yfir­lýs­ing fjár­mála­ráð­herra um að kosið verði í haust og það verði ekki síð­asta þingið á þessu kjör­tíma­bili haldi eða haldi ekki.“