Róbert Wessmann fjár­festir er ekki enn búinn að selja lyfja­verk­smiðj­una í Vatns­mýr­inni þar sem sam­heita­lyfja­fyr­ir­tækið Alvogen hyggst fram­leiða lyf. Þetta kemur fram í svari frá upp­lýs­inga­full­trúa Alvogen, Halldóri Krist­manns­syni. Af ein­hverjum ástæðum færði félagið Alvogen Biotech, sem verður rekstr­ar­að­ili lyfja­verk­smiðj­unnar, eign­ar­haldið á hús­inu yfir til félags í eigu Róberts sem heitir Fast­eigna­fé­lagið Sæmundur. Verk­smiðjan, sem stendur við Sæmund­ar­götu 15 til 19, á að opna í árs­byrjun 2016.

„Staðan er óbreytt“

Sagt tímabundin ráðstöfun

Í svari frá Alvogen síðla árs í fyrra sem DV birti  kom fram að eign­ar­hald Róberts á hús­inu væri tíma­bundið þar sem verið væri að leita að kaup­anda að því. „Eign­ar­hald fast­eigna­fé­lags Róberts Wessman á Hátækni­setr­inu er því tíma­bundin ráð­stöfun til þess að tryggja hraða fram­göngu verk­efn­is­ins. Til fram­tíðar verður húsið í eigu fyr­ir­tækis sem sér- hæfir sig í rekstri fast­eigna.“

Síðan þá hefur ekk­ert gerst og Róbert á húsið ennþá. „Staðan er óbreytt og við höfum áfram hug á því að selja húsið ef áhuga­samur kaup­andi finnst,“ segir í svar­inu frá Alvogen.