Sam­heita­lyfja­fyr­ir­tækið Alvogen hefur samið við Vís­inda­garða Háskóla Íslands um að fá að byggja aðra lyfja­verk­smiðju í Vatns­mýr­inni. Þetta segir fram­kvæmda­stjóri Vís­inda­garða, Eiríkur Hilm­ars­son, en samn­ingur um þetta var und­ir­rit­aður um miðjan maí. „Þeir hafa áhuga á því að byggja annað hús og hafa mögu­leika á því að stækka. Við höfum gert samn­ing við Alvogen um þetta. En þetta bara mögu­leiki. Það er ekki þannig að það liggi alveg fyrir að húsið verði byggt. En ef þró­unin verður sú að Alvogen tekst vel upp þá geta þeir byggt húsið,“ segir Eiríkur en ef til þess kemur verður mið­stöð sam­einda­líf­fræði við Háskóla Íslands einnig í hús­inu.