Fólk sem vill villa um fyrir lög­regl­unni, greiða minna í útsvar, fá hærri akst­urs­styrk eða bjóða sig fram til Alþingis í kjör­dæmi þar sem það hefur aldrei átt fasta búsetu, á ekki í erf­ið­leikum með það. Af hverju? Jú, því það er svo auð­velt að flytja lög­heim­ilið sitt á Íslandi.

Það er í raun svo auð­velt að blaða­manni Stund­ar­innar tókst að flytja lög­heim­ilið sitt frá Reykja­nesbæ og á Bessa­staði, án nokk­urra vand­ræða. Enginn hringdi frá Bessa­stöðum til þess að kanna hvað væri um að vera og það tók ein­ungis einn virkan dag að ganga frá raf­rænu skrán­ing­unni. 

Skráður á Bessa­stöðum Blaða­maður Stund­ar­innar var um tíma skráður til heim­ilis á Bessa­stöðum. Hér sést skrán­ingin, sem nú hefur verið breytt sam­kvæmt núgild­andi lögum.

Mynd: Skjáskot

Uppfæra þarf kerfið

En á þetta að vera hægt? Margrét Hauks­dóttir, for­stjóri Þjóð­skrár Íslands, hefur und­an­farin ár bent á mik­il­vægi þess að upp­færa kerfið sem heldur utan …