Björt Ólafs­dóttir umhverf­is­ráð­herra segir að „svo­kallað fag­legt mat hæf­is­nefndar“ á umsækj­endum um stöðu dóm­ara við Lands­rétt hafi verið í anda „gamla Íslands.“ Um leið við­ur­kennir hún að hafa ekki kynnt sér þau hæfn­is­við­mið sem liggja til grund­vallar mati umræddrar nefndar á hæfi umsækj­enda um stöðu dóm­ara. Þetta kemur fram á Facebook-síðu Bjartar í kvöld.

Björt gagn­rýnir þing­menn stjórn­ar­and­stöð­unnar fyrir að leggj­ast gegn til­lögu dóms­mála­ráð­herra um skipun dóm­ara og bendir á að þökk sé til­lögu ráð­herra verði fleiri konur skip­aðar dóm­arar við Lands­rétt en verið hefði ef aðeins umsækj­endur sem dóm­nefndin mat hæf­asta hefðu verið skip­aðir. Sjálf greiddi Björt hins vegar atkvæði gegn því þann 27. febr­úar síð­ast­lið­inn að sett yrði ákvæði inn í lög um dóm­stóla þess efnis að ráð­herra skyldi gæta þess að kröfum jafn­rétt­islaga væri full­nægt við skipun dóm­ara. 

Mynd: Pressphotos

Tillaga ráð­herra um skipun dóm­ara við Lands­rétt var sam­þykkt með 31 atkvæði í kvöld og felur meðal ann­ars í sér að karl sem lenti í þrí­tug­asta sæti á lista dóm­nefnd­ar­innar verður skip­aður dóm­ari og þannig færður upp fyrir fimm konur sem dóm­nefndin hafði metið hæf­ari honum. Málið var keyrt í gegnum þingið í miklum ágrein­ingi á tveimur dögum og kröfur minni­hlut­ans um að gef­inn yrði lengi tími til umfjöll­unar þess slegnar út af borð­inu. 

„Það er ótrú­legt að hlusta á femínist­anna alla í stjórn­ar­and­stöð­unni gagn­rýna að 7 konur og 8 karlar eru skip­aðir í Lands­rétt af Dóms­mála­ráð­herra í stað 10 karla og 5 kvenna sem að svo­kallað fag­legt mat hæf­is­nefndar lagði til. Það er gamla Ísland,“ skrifar Björt á Facebook. „Ég fagna því að dóms­mála­ráð­herra leggur til eitt­hvað meira í anda 2017, og furða mig á því að aðrir geri það ekki. Rétt kynja­hlut­föll í Lands­rétti er gríð­ar­lega mik­il­vægt mál til þess að vinna rétt­inum traust. Þarf að minna á enda­laus til­vik td í kyn­ferð­is­brota­málum þar sem það hefur verið mál manna við lestur sýknu­dóma að lít­ill skiln­ingur karl­dóm­ara til reynslu kvenna þar hafi verið vanda­mál og haft áhrif á dóma til miska fyrir konur? Hér er stigið stórt skref í þá átt að konur og karlar verði sett jafn­rétthá í íslensku rétt­ar­kerfi.“

Í athuga­semd undir stöðu­upp­færslu sinni við­ur­kennir Björt, eftir að hafa talað um „svo­kallað fag­legt mat hæf­is­nefndar“ að hún þekki ekki þau hæfn­is­við­mið sem nefndin styðst við. „Ég veit ekki hvernig hæfiskríter­ían er að baki því mati? Gerið þið ráð fyrir að hún sé óskeikul svona fyrst að það sem út úr henni kom var 10 karlar og 5 konur?“ skrifar hún.