Björt Ólafs­dóttir umhverfis- og auð­linda­ráð­herra sagði ósatt í óund­ir­búnum fyr­ir­spurn­ar­tíma á Alþingi þegar hún full­yrti að nefnd um veit­ingu íviln­ana hefði fengið til­mæli um að leggja aukna áherslu á til­tekin atriði sem kveðið er á um í lögum um íviln­anir til nýfjár­fest­inga. 

„Nefndin hefur ekki fengið slík til­mæli,“ segir í svari atvinnu­vega- og nýsköp­un­ar­ráðu­neyt­is­ins við fyr­ir­spurn Stund­ar­innar þar sem óskað var eftir upp­lýs­ingum um til­mælin sem Björt minnt­ist á í þing­ræðu sinni. 

Eins og fram kom í síð­ustu viku verður yfir­lýstri stefnu rík­is­stjórn­ar­innar um að efna ekki til íviln­andi fjár­fest­ing­ar­samn­inga vegna upp­bygg­ingar meng­andi stór­iðju ekki fylgt eftir með laga­breyt­ingum. Þetta sagði umhverf­is­ráð­herra í umræddum fyr­ir­spurn­ar­tíma þann 9. febr­úar þegar hún brást við spurn­ingu um fram­kvæmd mark­miðs­ins sem vísað hefur verið til sem eins helsta lyk­il­máls Bjartrar fram­tíðar í stjórn­ar­sátt­mála rík­is­stjórn­ar­innar. 

Björt full­yrti að í ramma­lög­gjöf um íviln­anir til nýfjár­fest­inga væri „talað um nátt­úru- og umhverf­is­vernd“. Slík orð er hvergi að finna í lög­unum. Hins vegar kveðið á um að verk­efni skuli stand­ast lög um meng­un­ar­varnir og að liggja skuli fyrir hvort fram­kvæmdir séu háðar umhverf­is­mati. Verkefni sem Björt hefur vísað til sem „meng­andi stór­iðju“, svo sem álver og kís­il­málm­ver, geta hæg­lega stað­ist slík skil­yrði.

Mynd: Pressphotos

Björt sagð­ist ekki telja laga­breyt­ingu nauð­syn­lega til að fram­fylgja þeirri stefnu að meng­andi stór­iðja fái ekki íviln­anir á grund­velli gild­andi laga. „Ég tel svo ekki vera eftir að við skoð­uðum mjög vel með atvinnu­vega­ráðu­neyt­inu nákvæm­lega þennan ramma­samn­ing um nýfjár­fest­ingar. Í honum koma vissu­lega ekki fram orðin meng­andi stór­iðja en það sem þó kemur þar fram og rímar mjög vel við áherslur okkar, þá grænu atvinnu­stefnu sem nú er tekin við, er að í ramma­lög­gjöf­inni er talað um nátt­úru- og umhverf­is­vernd. Við ætlum að draga þá þætti ofar og hafa þá ofar en hina. Sú þriggja manna nefnd sem er í ráðu­neyt­inu hefur fengið þau til­mæli og veit að það er ekki í stefnu rík­is­stjórn­ar­innar að veita meng­andi stór­iðju íviln­anir og hún ætlar ekki að gera það,“ sagði hún. 

Daginn eftir, þann 10. febr­úar, sendi Stundin fyr­ir­spurn til Þórs Hrafns­sonar, upp­lýs­inga­full­trúa atvinnu­vega- og nýsköp­un­ar­ráðu­neyt­is­ins og Guðrúnar Gunn­ars­dóttur, rit­ara þriggja manna nefndar um  veit­ingu íviln­ana til nýfjár­fest­inga. Óskað var eftir gögnum um til­mælin sem Björt vís­aði til og spurt hvenær til­mælin bár­ust nefnd­inni, hver gaf þau og með hvaða hætti. Eft­ir­far­andi svar barst í gær­kvöldi: „Nefndin hefur ekki fengið slík til­mæli. Henni er kunn­ugt um efni stjórn­ar­sátt­mál­ans líkt og fram kemur í hinum til­vitn­uðu ummælum.“ Stundin hefur gefið Björt kost á að tjá sig um málið og mun birta skýr­ingar hennar kjósi hún að bregð­ast við.