Bjarni Bernharður tók sýru á ný

Rit­höf­und­ur­inn og ljóð­skáldið Bjarni Bern­harður Bjarna­son lýsir því yfir að hann hafi neytt aftur sýru eftir 33 ára hlé. Bjarni hefur und­an­farið rætt og rétt­lætt ákvörðun sína á Facebook-síðu sinni, en einnig hefur hann skrifað opið and­mæla­bréf í kjöl­far þess að hann var var­aður við neysl­unni.

Bjarni gaf nýverið út bók­ina Hin hálu þrep, þar sem hann segir meðal ann­ars frá bar­átt­unni við geð­klofa og neyslu LSD. Þar lýsir hann meðal ann­ars mann­dráp­inu sem hann framdi árið 1988 í geð­rofi og undir áhrifum af LSD.

Vill opna umræðuna

„Ég er að prufu­keyra nýju sýruna, þenja pæl­ingar um gler­hála braut hug­ans. Allt virkar vel, bremsur og stýri­bún­aður,“ segir Bjarni á Facebook-síðu sinni, þar sem hann hefur rætt end­ur­vakn­ingu sína á neyslu sýru und­an­farna daga. Hann lýsir jákvæðum áhrifum af sýrunni. 

„Nú er ég sjálf­sagt að ögra umheim­inum og það gæti orðið mér dýr­keypt, en samt, best að láta það flakka: Ég droppað sýru fyrir mán­uði síðan. Í dag er koma í ljós hvað áhrif það hafði. Sýran (sem var mjög öflug) dýpkaði mig og þétti (ég var orð­inn hrip­lekur og stefndi upp á grunnið). Ég tel mig hafa náð að virkja stöð í vit­und­ar­djúp­inu sem mig bráð­vant­aði í ser­í­una.“
 
Í sam­tali við Stundina seg­ist Bjarni hafa neytt sýrunnar í ákveðnum til­gangi og að það hafi heppn­ast. „Ég not­aði hana í ákveðnum til­gangi, sem snertir mína sköpun. Ég er mál­ari og rit­höf­undur. Þetta var ferli í minni vinnu að þurfa að nota þessa sýru. Það voru ákveðnir hlutir sem þurfti að koma í lag. Ég get sagt, að það heppn­að­ist full­kom­lega.“ Hann vísar til þess að John Lennon hafi neytt sýru og skapað ein­hver merk­ustu tón­verk sög­unnar.