Þessi grein birtist upphaflega í Stundinni fyrir meira en 8 árum.

Hringbraut bendlar föður Sigmundar við fjármögnun Vefpressunnar í annað sinn

Gunn­laug­ur M. Sig­munds­son, fað­ir for­sæt­is­ráð­herra, hafn­aði því í sam­tali við Stund­ina í sum­ar að hann hefði lagt fjár­muni til rekstr­ar fjöl­miðla­veld­is Björns Inga Hrafns­son­ar. Fjöl­mið­ill­inn Hring­braut held­ur því nú fram öðru sinni, en í fyrra skipt­ið var nafn­laus pist­ill fjar­lægð­ur.

Hringbraut bendlar föður Sigmundar við fjármögnun Vefpressunnar í annað sinn

Fjölmiðillinn Hringbraut hefur tvisvar sinnum í vetur haldið því fram, í pistlum sem skrifaðir eru undir nafnleynd, að Gunnlaugur M. Sigmundsson, faðir forsætisráðherra, hafi lagt fjármuni til rekstrar fjölmiðlaveldis Björns Inga Hrafnssonar.

Fyrri pistillinn, sem birtist undir dulnefninu Náttfari í byrjun nóvember, var fjarlægður. Að sögn Sigmundar Ernis Rúnarssonar, ritstjóra Hringbrautar, var þetta gert vegna þess að heimildirnar fyrir efni pistilsins voru ekki taldar nægilega tryggar.

Á aðfangadag birti Hringbraut aðra grein, nú undir dulnefninu Ólafur Jón Sívertsen, þar sem líkum er leitt að því að Gunnlaugur og aðilar tengdir honum hafi lagt fjármuni til rekstrar fjölmiðlaveldisins.

Stundin hafði samband við Gunnlaug síðasta sumar, áður en Hringbraut fjallaði um málið, og spurði hvort rétt væri að hann hefði lánað fyrirtæki Björns Inga 60 milljónir króna árið 2013. Gunnlaugur hafnaði því og sagði að sér hefði verið kennt fyrir löngu að óskynsamlegt væri að fjárfesta í fjölmiðlum. 

Í fyrri pistlinum sem var fjarlægður af vef Hringbrautar er rakið hve rekstrarkostnaður DV og dv.is er mikill meðan tekjustreymið láti á sér standa. „Heimildarmaður Náttfara sem hefur mikla reynslu af fjölmiðlarekstri heldur því fram að það þurfi að borga með rekstri DV 10 milljónir króna á mánuði til að halda skipinu á floti,“ segir í pistlinum og er fullyrt að skuldahali fjölmiðlaveldis Björns Inga hafi numið um 80 milljónum króna árið 2013 og innspýtingar verið þörf.

Frekari innspýtingu spáð

Í framhaldinu skrifar höfundur pistilsins: 

„Heimildarmaður Náttfara telur sig hafa öruggar heimildir fyrir því hvaðan umræddir fjármunir hafa komið. Hann hefur ekki getað sýnt skriflegar sannanir en er viss í sinni sök. Hann telur fullvíst að Gunnlaugur M. Sigmundsson, faðir forsætisráðherra, hafi lagt þessa fjármuni til rekstrarins. Gunnlaugur var á sínum tíma eigandi Kögunar og seldi fyrirtækið á réttum tíma með gífurlegum hagnaði. Gunnlaugur er milljarðamæringur. Honum hefur runnið til rifja að sjá hve illa flokkur sonar hans hefur komið út úr skoðanakönnunum og hefur viljað kenna fjölmiðlum um það. Einkum DV á meðan Reynir Traustason stýrði þar á bæ. Framsóknarmenn mátu það svo að það væri lífnauðsynlegt fyrir flokkinn að aftengja DV og tryggja að miðillinn væri meinlaus gagnvart Framsóknarflokknum og ríkisstjórn Sigmundar Davíðs. Þetta hefur gengið eftir. DV lætur Framsókn og ríkisstjórnina alveg í friði, reynir frekar að hjálpa til ef eitthvað er með viðtölum við ráðherra og þingmenn flokksins.“

Þá eru leiddar að því líkur að fram að næstu kosningum muni fjölskylda Sigmundar Davíðs leggja til mörg hundruð milljónir króna til að freista þess að halda honum við völd. „Fjölskyldan hefur fjárhagslegt afl til þess. Það á svo eftir að koma á daginn hvort unnt er að kaupa völd og halda völdum á Íslandi með slíkum hætti.“

Umdeild fréttaskrif

Í umræðum á Facebook upplýsti Sigmundur Ernir Rúnarsson, ritstjóri Hringbrautar, um ástæður þess að pistillinn var fjarlægður. „Ég tók þetta út þar eð ég taldi ekki nægilega tryggar heimildir fyrir efni pistilsins. Við hljótum öll að vilja byggja á þeim traustum og haldgóðum. Engar hótanir hér, aðeins viðleitni til að vanda betur til verka,“ skrifaði hann og vísaði því á bug að nokkur maður hafi farið sérstaklega fram á að pistillinn yrði tekinn út.

Í seinni pistlinum, sem birtist á aðfangadag, segist huldumaðurinn Ólafur Jón Sívertsen hafa heimildir fyrir því að fjármunir til rekstrar „allra þessara flokksmiðla Framsóknar komi frá nánustu ættingjum og vinum formanns flokksins“ og bendir á að faðir Sigmundar er sterkefnaður. Skömmu eftir að pistillinn fór í loftið birtist frétt á vef Hringbrautar upp úr skrifum huldumannsins.

Fjölmargir gagnrýndu þessi vinnubrögð og skrifaði Björn Þorláksson, blaðamaður á Hringbraut, pistil um „mistök Hringbrautar“ þar sem hann gagnrýndi kollega sína fyrir að hafa birt frétt upp úr skrifum manns sem ekki er til.

Taprekstur Vefpressunnar

Eins og Stundin hefur áður fjallað um í ítarlegri fréttaskýringu hefur fjölmiðlaveldi Björns Inga allt frá upphafi reitt sig á stuðning fjársterkra aðila. Ef litið er á ársreikninga Vefpressunnar má sjá að hún hefur verið rekin með umtalsverðu tapi allt frá stofnun ef frá er talið rekstrarárið 2013 þegar félagið skilaði loksins hagnaði.

Pressan ehf. var rekin með 66 milljóna tapi árið 2012. Á rekstrarárinu 2013 hækkuðu skyndilega skammtímaskuldir félagsins um rúmar 60 milljónir króna, án þess að gefnar væru skýringar á því í ársreikningi. Vísir fjallaði um málið í júní og hafði eftir Arnari Ægissyni, framkvæmdastjóra Pressunnar, að hann myndi ekki hvernig lánið væri til komið. Líklega væri um að ræða „yfirfærslu á yfirdrætti sem var í eignarhaldsfélaginu Vefpressunni ehf.“. Hann staðfesti þó að yfirdrátturinn væri hjá MP banka. „Yfirdrátturinn er þar. Hann var það, hann er ekki lengur. Það er enginn yfirdráttur í dag.“

Tengsl Sigmundar við MP banka

Engin opinber skjöl eru til um lánið frá MP banka, sem verður að teljast rausnarlegt í ljósi þess hver fjarhagsstaða Pressunnar var á þessum tíma. Eins og bent hefur verið á í fjölmiðlum hafa Sigmundur Davíð, og ríkisstjórn Íslands, margvísleg tengsl við MP banka. Forstjóri bankans, Sigurður Atli Jónsson, er kvæntur systur Sigmundar Davíðs. Sigurður Hannesson, framkvæmdastjóri eignastýringar MP banka, er náinn vinur og helsti efnahagsráðgjafi Sigmundar. Þá hafa þrír af sjö meðlimum framkvæmdahóps ríkisstjórnarinnar um losun gjaldeyrishafta gegnt yfirmannsstöðu í bankanum.

Frægt varð þegar Hlín Einarsdóttir, fyrrverandi sambýliskona Björns Inga Hrafnssonar, og Malín Brand systir hennar voru handteknar fyrir tilraun til fjárkúgunar á hendur Sigmundi Davíð forsætisráðherra. Í nóvemberblaði Stundarinnar birtist viðtal við Malín þar sem hún lýsti aðdragandanum, meðal annars því þegar systir hennar sagði henni að hún byggi yfir upplýsingum um Sigmund Davíð og Björn Inga.

„Það var Sigmundur Davíð sem kippti í einhverja spotta í MP-banka og bjargaði rétt eftir að hann varð forsætisráðherra“

Haft er eftir Malín: „Mér leist ekkert á það hversu breytt fas hennar var frá því fyrr um daginn og spurði hvað hún væri eiginlega búin að drekka marga bjóra. Það fauk í hana og hún sagði mér að hlusta. Svo spurði hún hvort ég myndi þegar Vefpressan var við það að fara á hausinn. Vissulega mundi ég það. Þá var stundum ekkert hlaupið að því að fá útborgað. Hlín rifjaði upp að skyndilega hefði verið til nóg af peningum og Vefpressunni borgið. „Það var Sigmundur Davíð sem kippti í einhverja spotta í MP-banka og bjargaði rétt eftir að hann varð forsætisráðherra,“ sagði hún áköf.“

Samkvæmt heimildum Stundarinnar hafa samskipti Björns Inga og Sigmundar Davíðs færst mjög í aukana undanfarin ár og vinskapur tekist með þeim. Hafa þeir átt samverustundir erlendis auk þess sem Sigmundur Davíð hefur heimsótt Björn Inga.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Fjölmiðlamál

Hundruð milljóna taprekstur fjölmiðla telst ekki til fjárhagserfiðleika
ÚttektFjölmiðlamál

Hundruð millj­óna ta­prekst­ur fjöl­miðla telst ekki til fjár­hagserf­ið­leika

Stærst­ur hluti Covid-styrkja til fjöl­miðla fer til þriggja sem töp­uðu hundruð­um millj­óna í fyrra. Lilja Al­freðs­dótt­ir mennta­mála­ráð­herra vildi að smærri miðl­ar fengju meira. And­staða var á Al­þingi og ekki er vit­að hvort fjöl­miðla­frum­varp verð­ur aft­ur lagt fram. Pró­fess­or seg­ir pen­ing­um aus­ið til hags­muna­að­ila.

Mest lesið

Meðallaun segja ekki allt varðandi kjör fólks í landinu
1
GreiningMillistétt í molum

Með­al­laun segja ekki allt varð­andi kjör fólks í land­inu

Reglu­lega er töl­um um með­al­laun Ís­lend­inga fleygt fram í um­ræð­unni og þau gjarn­an sögð vera óvenju­há í sam­an­burði við önn­ur lönd. Í fyrra voru heild­ar­laun full­vinn­andi fólks að með­al­tali 935.000 þús­und krón­ur á mán­uði. Hins veg­ar fær flest starf­andi fólk mán­að­ar­laun sem eru lægri en þetta með­al­tal. Að ýmsu þarf að gæta þeg­ar með­al­tal­ið er rætt því hlut­fall­ið seg­ir ekki alla sög­una.
Greiddu 17 milljónir fyrir skýrslu um stöðu drengja
5
Fréttir

Greiddu 17 millj­ón­ir fyr­ir skýrslu um stöðu drengja

Skýrsla um stöðu drengja í skóla­kerf­inu sem unn­in var að beiðni mennta- og barna­mála­ráð­herra og há­skóla-, iðn­að­ar- og ný­sköp­un­ar­ráð­herra kostaði sam­an­lagt um 13,7 millj­ón­ir króna auk virð­is­auka­skatts og hljóð­ar heild­ar­upp­hæð­in því upp á rúm­ar 17 millj­ón­ir. Tryggvi Hjalta­son, grein­andi hjá CCP, er eini höf­und­ur skýrsl­unn­ar. Í sam­tali við Heim­ild­ina seg­ist hann hafa unn­ið að skýrsl­unni sam­hliða öðr­um störf­um en vinn­an tók um eitt og hálft ár.

Mest lesið

Mest lesið í vikunni

„Það er ekkert eftir“
2
GreiningMillistétt í molum

„Það er ekk­ert eft­ir“

Þrátt fyr­ir að um helm­ing­ur hjóna­banda endi með skiln­aði virð­ist kerf­ið ekki miða við for­eldra sem vana­lega eru kall­að­ir ein­stæð­ir – en eru í þess­ari grein kall­að­ir sjálf­stæð­ir. Heim­ild­in fékk á þriðja tug þátt­tak­enda til að svara spurn­ing­um um lífs­kjör sín. Svör­in sem bár­ust kall­ast vel á við lífs­kjarak­ann­an­ir sem fram­kvæmd­ar hafa ver­ið að und­an­förnu.
Meðallaun segja ekki allt varðandi kjör fólks í landinu
10
GreiningMillistétt í molum

Með­al­laun segja ekki allt varð­andi kjör fólks í land­inu

Reglu­lega er töl­um um með­al­laun Ís­lend­inga fleygt fram í um­ræð­unni og þau gjarn­an sögð vera óvenju­há í sam­an­burði við önn­ur lönd. Í fyrra voru heild­ar­laun full­vinn­andi fólks að með­al­tali 935.000 þús­und krón­ur á mán­uði. Hins veg­ar fær flest starf­andi fólk mán­að­ar­laun sem eru lægri en þetta með­al­tal. Að ýmsu þarf að gæta þeg­ar með­al­tal­ið er rætt því hlut­fall­ið seg­ir ekki alla sög­una.

Mest lesið í mánuðinum

Þau sem hafa hagnast ævintýralega á Þorpinu
1
FréttirHúsnæðismál

Þau sem hafa hagn­ast æv­in­týra­lega á Þorp­inu

Ár­ið 2021 keypti hóp­ur fjár­festa í gegn­um eign­ar­halds­fé­lag­ið Þorp­ið 6 ehf. lóð­ir og bygg­ing­ar­rétt­indi á Ár­túns­höfða í Reykja­vík fyr­ir 7,4 millj­arða króna. Fyrr á þessu ári voru lóða­rétt­ind­in seld fyr­ir ell­efu millj­arða króna án þess að nokk­uð hafi ver­ið byggt á svæð­inu. Við­skipt­in sýna vel hvernig fjár­fest­ar geta hagn­ast æv­in­týra­lega með því að kaupa og selja lóð­ir og bygg­ing­ar­rétt­indi á til­tölu­lega skömm­um tíma.
Hulduheildsali flytur inn hundruð tonna af kjöti
3
RannsóknSamkeppnisundanþága í Landbúnaði

Huldu­heild­sali flyt­ur inn hundruð tonna af kjöti

Ris­ar á ís­lensk­um kjöt­mark­aði, sem fengu í vor um­deild­ar und­an­þág­ur frá sam­keppn­is­lög­um til þess að verj­ast sam­keppni að ut­an, verða á þessu ári um­fangs­mest­ir í kjöt­inn­flutn­ingi og því keppi­naut­ar sjálfs sín. „Von­brigði,“ seg­ir formað­ur at­vinnu­vega­nefnd­ar. Um­fangs­mik­il heild­sala á hundruð­um tonna af inn­fluttu kjöti virð­ist fyrst og síð­ast leiktjald fyr­ir öfl­ug­asta hags­muna­afl­ið gegn inn­flutn­ingi land­bún­að­ar­vara.
Tvíburasystur óléttar samtímis: „Þetta er draumurinn“
4
Viðtal

Tví­bura­syst­ur ólétt­ar sam­tím­is: „Þetta er draum­ur­inn“

Tví­bur­ar, sem lík­lega eru eineggja, gengu sam­tals í gegn­um þrjú fóst­ur­lát á inn­an við ári og voru um tíma óviss­ar um að þeim tæk­ist nokk­urn tím­ann að eign­ast börn. En nú hef­ur birt til og þær eiga von á börn­um með tæp­lega tveggja mán­aða milli­bili. Gen barn­anna verða lík­lega eins lík og hálf­systkina vegna mik­illa lík­inda með genum mæðr­anna.
„Ég var bara niðurlægð“
5
Viðtal

„Ég var bara nið­ur­lægð“

Séra Agnes M. Sig­urð­ar­dótt­ir, bisk­up Ís­lands, vill skila skömm­inni til kirkju­þings þar sem hún upp­lifði nið­ur­læg­ingu eft­ir að óvissa varð uppi um lög­mæti embætt­is­gjörða henn­ar. Hún seg­ir að kirkju­þing hafi átt að greiða úr mál­inu og eyða óvissu um stöðu henn­ar. Agnes tel­ur að karl­kyns bisk­up hefði aldrei þurft að þola slíka fram­komu af hálfu kirkju­þings en hún er fyrsta kon­an sem er kjör­in bisk­up.
Running Tide og ráðherrarnir - Koma af fjöllum um eftirlitsleysið
8
FréttirRunning Tide

Runn­ing Tide og ráð­herr­arn­ir - Koma af fjöll­um um eft­ir­lits­leys­ið

Blaða­menn Heim­ild­ar­inn­ar tóku við­töl við þrjá ráð­herra um að­komu þeirra að því að Runn­ing Tide fékk leyfi stjórn­valda til starf­semi á Ís­landi. Um­hverf­is­ráð­herra sagði ein­ung­is hafa haft full­yrð­ing­ar for­svars­manna fyr­ir­tæk­is­ins fyr­ir því að starf­sem­in væri „stærsta ein­staka kol­efn­is­föng­un­ar­verk­efni í heimi“. Ut­an­rík­is­ráð­herra seg­ist ekki geta svar­að því hvort hún hafi skap­að for­dæmi sem leyfi nú að af­gangstimbri verði hent í sjó­inn í stór­um stíl.

Mest lesið í mánuðinum

Nýtt efni

Mest lesið undanfarið ár