Ástandið hefur versnað hjá lögreglunni

Sam­skipta­vand­inn innan lög­regl­unnar á höf­uð­borg­ar­svæð­inu hefur versnað und­an­farna mán­uði, meðal ann­ars vegna svipt­ing­anna sem urðu innan deild­ar­innar sem ann­ast rann­sóknir á fíkni­efna­málum og skipu­lagðri brota­starf­semi. Mikill fjöldi við­mæl­enda Stund­ar­innar innan úr lög­regl­unni og stjórn­sýsl­unni full­yrðir að á ákveðnum rann­sókn­ar­sviðum hafi starf­semi lög­regl­unnar veikst veru­lega, meðal ann­ars vegna skipu­lags­breyt­inga og til­færslna á reyndu starfs­fólki sem dregið hafi úr sér­hæf­ingu og um leið skil­virkni rann­sókna. Gríð­ar­leg tor­tryggni sé ríkj­andi og margir farnir að leita sér að nýjum starfs­vett­vangi vegna ástands­ins. 

Fyrr á árinu fjall­aði Stundin um gríð­ar­lega óánægju vegna vinnu­bragða Sigríðar Bjarkar Guð­jóns­dóttur lög­reglu­stjóra og Öldu Hrannar Jóhanns­dóttur, aðal­lög­fræð­ings emb­ætt­is­ins. Umdeildir stjórn­un­ar­hættir lög­reglu­stjór­ans voru sagðir lýsa sér í ein­elt­istil­burðum, bræðisköstum, und­ir­róðri, nið­ur­lægj­andi fram­komu og sam­ráðs­leysi.

Frá því að Stundin greindi frá ástand­inu þann 7. febr­úar síð­ast­lið­inn hafa miklar svipt­ingar orðið í gömlu fíkni­efna­deild­inni. Inn­an­rík­is­ráðu­neytið komst að þeirri nið­ur­stöðu fyrr í sumar að lög­reglu­stjóri hefði brotið gegn með­al­hófs­reglu stjórn­sýslu­réttar þegar lög­reglu­full­trúa úr deild­inni var vikið frá störfum í kjöl­far þungra ásak­ana sem hann hefur nú verið hreins­aður af. Jafn­framt hefur fyrr­ver­andi yfir­maður deild­ar­innar stefnt rík­inu vegna meints ein­eltis Sigríðar Bjarkar í sinn garð og kraf­ist ógild­ingar á breyt­ingu sem lög­reglu­stjór­inn gerði á starfs­skyldum hennar. Fleiri lög­reglu­menn hafa fengið lög­manns­að­stoð og íhuga að stefna rík­inu vegna fram­göngu lög­reglu­stjóra gagn­vart sér.

Hátt í þrjátíu hafa kvartað

Fjöldi þeirra sem kvartað hafa til Lands­sam­bands lög­reglu­manna vegna ástands­ins telur nú hátt í 30 manns en jafn­framt hafa starfs­menn leitað til inn­an­rík­is­ráðu­neyt­is­ins. Stundin hefur nú fengið stað­fest að lög­fræð­ingar á ákæru­sviði lög­regl­unnar á höf­uð­borg­ar­svæð­inu kvört­uðu undan afskiptum Öldu Hrannar Jóhanns­dóttur, aðal­lög­fræð­ings emb­ætt­is­ins, af störfum þeirra og fund­uðu með starfs­mönnum inn­an­rík­is­ráðu­neyt­is­ins um málið.