Enn stendur til að flytja Þorrasel, sem er dag­deild fyrir aldr­aða, yfir í félags­mið­stöð aldr­aðra að Vest­ur­götu 7, þrátt fyrir kæru til inn­an­rík­is­ráðu­neyt­is­ins. Í hús­næði Þorrasels stendur til að vera með skrif­stofur fyrir starfs­fólk Reykja­vík­ur­borgar vegna heima­þjón­ustu Vest­ur­bæjar, Mið­borgar og Hlíða. Sú starf­semi brýtur í bága við upp­haf­legt hlut­verk hús­næð­is­ins en því er ætlað að hýsa starf­semi fyrir aldr­aða. Mikill hita­fundur var hald­inn að Vest­ur­götu 7 í dag og ljóst að megn óánægja er með breyt­ing­arnar, bæði meðal íbúa í Þorra­götu og þeirra sem sækja félags­mið­stöð­ina að Vest­ur­götu. Vel­ferð­ar­ráð Reykja­vík­ur­borgar var meðal ann­ars gagn­rýnt fyrir skort á sam­ráði við íbúa og not­endur og ákvörð­unni líkt við breyt­ing­arnar sem áttu sér stað í ferða­þjón­ustu fatl­aðs fólks nú um ára­mótin. „Þið eigið að sjá sóma ykkar í því að hætta við þetta,“ kall­aði einn fund­ar­gesta yfir sal­inn. 

Ætla í mál við borgina

Ástæða breyt­ing­annar er halli á rekstri Þorrasels. Að sögn Berg­lindar …