Félag sem tengst hefur jarða­kaupum breska auð­kýf­ings­ins James Ratcliffe á Norð­aust­ur­landi hefur aukið hlut sinn í veiði­rétt­indum Laxár í Aðaldal. Tals­maður Ratcliffe hafnar því að hann sé að reyna að eign­ast rétt­indi í ánni sem er ein þekktasta lax­veiðiá lands­ins.

Þetta kemur fram í Frétta­blað­inu í dag. Félagið Aðal­dalur ehf. er í eigu félags­ins Dylan Holdings SA í Lúx­em­borg, en eign­ar­hald þess er ekki þekkt. Talið er að Jóhannes Krist­ins­son, áður kenndur við Fons og Iceland Express, sé meðal eig­enda, en hann situr í stjórnum margra dótt­ur­fé­laga þess. Félagið átti fyrir hluti í þremur jörðum með veiði­rétt­indi í Laxá í Aðaldal, en keypti í sept­em­ber hluta jarð­ar­innar Aust­ur­haga.

Félög í eigu Dylan Holdings hafa áður verið seld Ratcliffe ásamt jörðum og sam­starf hefur verið þeirra á milli, meðal ann­ars í gegnum Veiði­klúbb­inn Streng. Fram­kvæmda­stjóri hans og tals­maður Ratcliffe á Íslandi, Gísli Ásgeirs­son, segir Ratcliffe hins vegar ekki eig­anda Dylan Holdings og að hann seilist ekki til áhrifa í Laxá í Aðaldal. Hann hygg­ist ein­beita sér að þeim svæðum sem hann hefur þegar fjár­fest í.

Fast­eignir og jarðir sem Ratcliffe, Jóhannes og við­skipta­fé­lagar þeirra hafa keypt á Aust­ur­landi liggja margar hverjar að gjöf­ulum lax­veiðiám og hefur mikið verið lagt í fram­kvæmdir, til að mynda bygg­ingu laxa­stiga til að efna laxa­stofna. Sam­an­lögð stærð lands­ins sem þeir eiga hlut í er ríf­lega 1000 fer­kíló­metrar, eða 1% alls land­svæðis Íslands.