Logi Ein­ars­son, for­maður Sam­fylk­ing­ar­innar, sagði ljóst að Guð­mundur Ingi Guð­brands­son, umhverfis- og auð­linda­ráð­herra og nýkjör­inn vara­for­maður Vinstri grænna, myndi ekki ná fram stefnu sinni í mála­flokknum í núver­andi rík­is­stjórn­ar­sam­starfi. Þetta kom fram í óund­ir­búnum fyr­ir­spurnum á Alþingi í dag.

Logi óskaði Guðmundi til ham­ingju með að hafa verið kjör­inn vara­for­maður Vinstri­hreyf­ing­ar­innar græns fram­boðs um liðna helgi og sagð­ist ekki efast um afstöðu hans í lofts­lags­málum. Benti hann á að Katrín Jak­obs­dóttir, for­maður flokks­ins, hefði sagt að Vinstri græn hafi gert mála­miðl­anir í rík­is­stjórn­ar­sam­starf­inu. „Það þarf ekki mik­inn spek­ing til að átta sig á því að því lengra sem er á milli fólks í upp­hafi, því stærri þurfa mála­miðl­an­irnar að vera,“ sagði Logi.

Logi sagði of litlu eytt í mála­flokk­inn og ljóst að Sam­fylk­ingin og Vinstri græn þyrftu ekki að gera neinar mála­miðl­anir til að ná saman í mála­flokknum. Miða ætti við að eyða 2,5 pró­sentum af fjár­lögum í mála­flokk­inn. „Íslend­ingar eru ein­fald­lega mestu umhverf­is­sóðar í heim­inum,“ sagði Logi. „Og losun okkar, hvers og eins okkar, er meiri en almennt er.“

Guð­mundur sagð­ist ekki taka undir 2,5 pró­sent mark­miðið, þar sem það væri notað sem almennt við­mið á heims­vísu til breyt­inga á orku­kerfum. „Það er alveg vitað að hér á Íslandi er búið að ráð­ast í hluta af þessu, sér­stak­lega það sem að lýtur að hita­veitu­væð­ing­unni og síðan líka það sem lýtur að fram­leiðslu raf­magns.“

Bætti Logi því við að með svar­inu virt­ist Guð­mundur hafa breyst í dæmi­gerðan stjórn­mála­mann á einum sóla­hringi eftir að hann hann gekk form­lega inn í flokks­starf. „Ekki veit ég hvort ég breytt­ist yfir nótt,“ svar­aði Guð­mundur. „Ég tel að við þurfum að setja okkur stærri mark­mið þegar kemur að lofts­lags­málum.“ Bætti hann við að sam­kvæmt Par­ís­ar­sátt­mál­anum ættu öll ríki sem aðild eiga að honum að setja sér ný mark­mið á næsta ári. Sagði hann að Íslend­ingar ættu ekki að vera eft­ir­bátar ann­arra. „Auðvitað ættum við Íslend­ingar að setja okkur mark­mið um meiri sam­drátt, ég tek undir það,“ sagði hann að lokum.

Þor­gerður Katrín Gunn­ars­dóttir, for­maður Við­reisnar, spurði Guðmund í fram­hald­inu hvort hann teldi sig geta komið ýmsum verk­efnum á sviði umhverf­is­mála í rík­is­stjórn Vinstri grænna, Sjálf­stæð­is­flokks og Fram­sókn­ar­flokks, eða hvort hann teldi sig þurfa stuðn­ing umhverf­is­sinn­aðra stjórn­ar­and­stöðu­flokka. Guð­mundur benti þá á að Vinstri græn hefðu sett sér það mark­mið að ganga lengra í lofts­lags­málum en að ná kolefn­is­hlut­leysi.