„Hátíðin verður haldin í 12. sinn í ár og er að verða tán­ingur,“ segir Dögg Mós­es­dóttir kvik­mynda­gerð­ar­kona sem hefur frá byrjun skipu­lagt hátíð­ina. „Áherslan í ár er á nor­rænt sam­starf og þá sér­stak­lega hvernig stóru þjóð­irnar á Norð­ur­lönd­unum geta stutt þær smáu. Við verðum með stóra vinnu­stofu fyrir ungar kvik­mynda­gerð­ar­konur á Norð­ur­lönd­unum undir yfir­skrift­inni Norrænar stelpur skjóta. Það voru valdir 12 þátt­tak­endur frá Noregi, Svíþjóð, Færeyjum, Græn­landi, Íslandi og Noregi og þeim fylgja 5 leið­bein­endur frá hverju landi.“ Dögg segir hátíð­ina alltaf hafa verið vett­vang fyrir sam­starf meðal kvik­mynda­gerð­ar­fólks til fram­tíðar og að hún von­ist til að vinnu­stofan hafi þau áhrif.

Reyna að sporna við kynjahallanum

„Við höfum alltaf verið mjög með­vituð um kynja­hall­ann í kvik­mynda­gerð og reynt að sporna við honum, meðal ann­ars með því að nota kerfi til að benda á þær myndir sem er leik­stýrt eða eru skrif­aðar af konum og með því að varpa ljósi á …