Raun­tíma­list og tíma­tengd miðlun hefur hingað til verið ein­kenni lista­há­tíð­ar­innar Sequences. Hátíðin, sem fer fram í níunda sinn nú í októ­ber, verður þó með breyttu sniði í ár, þar sem sýn­ing­ar­stjór­arnir tveir, Hildigunnur Birg­is­dóttir og Ingólfur Arn­ars­son, tóku ákvörðun um að snúa upp á hefð­ina, sem upp­haf­lega var til komin vegna þess að raun­tíma­list þótti hag­nýtt form, þar sem sýn­ingin er alþjóð­leg og flutn­ings­gjöld efn­is­legra verka til Íslands geta verið ansi há. Þau gáfu sér þá for­sendu að flest verk væri í raun hægt að skil­greina sem raun­tíma­verk, sem opn­aði mögu­leik­ana til muna. „Við báðum stjórn Sequences um und­an­þágu frá því að ein­blína á tíma­tengda miðla, þar sem við erum ekki sér­fróð í þeim, hvor­ugt okkar, heldur höfum frekar almennan áhuga og þekk­ingu á mynd­list. Okkur þótti áhuga­vert að ein­blína á þetta hug­tak, raun­tíma, kljúfa það í tvennt, í raun­veru­leika og tíma, og kanna afstæði þeirra með virkni verka unnin …