Mikil aukning sýklalyfjaónæmis í villtum höfrungum

Einn alvar­leg­asti lýð­heilsu­vandi sem mann­kynið glímir við er vax­andi tíðni sýkla­lyfja­ó­næmis. Vandinn ein­skorð­ast þó síður en svo við mann­fólk heldur hefur hann einnig áhrif á aðrar teg­undir dýra. Rann­sóknir á sýkla­lyfja­ó­næmum bakt­er­íum í villtum höfr­ungum sýna nú fram á að vand­inn fer vax­andi í líf­verum hafs­ins sam­hliða því sem hann eykst í sam­fé­lögum manna.

Sýkla­lyfja­ó­næmi kall­ast það þegar sýkj­andi bakt­er­íur þróa með sér þol gegn sýkla­lyfjum sem áður virk­uðu gegn þeim. Röng eða óþörf notkun á sýkla­lyfjum getur orðið til þess að ýta undir það að bakt­er­íum tak­ist að þróa með sér ónæmi. 

Fjöldi dauðsfalla ár hvert

Sýkla­lyfja­ó­næmum bakt­er­íum hefur farið hratt fjölg­andi á unda­förnum árum. Þetta hefur orðið til þess að bakt­er­íu­sýk­ingar sem áður var ein­falt að með­höndla geta leitt til alvar­legra sýk­inga og jafn­vel dauða þess sem sýk­ist. Þetta á til dæmis við um bakt­er­íur sem valda þvag­færa­sýk­ingum og eru dæmi þess að fólk hafi …