Beittu símahlerunum nær daglega í fyrra

Lög­reglu­emb­ættin beittu síma­hler­unum í 362 skipti árið 2018. Þar af voru 322 til­vik, eða 89 pró­sent, hjá emb­ættum lög­regl­unnar á höf­uð­borg­ar­svæð­inu og á Suð­ur­nesjum. Þetta kemur fram í Morg­un­blað­inu í dag.

Árið 2017 var 256 sinnum gripið til síma­hlust­unar eða skyldra úrræða. Fjölgaði þannig til­fellum um 40 pró­sent milli ára. Úrskurðir sem lutu að síma­hlustun voru 53 árið 2018. Auk þeirra lutu 30 úrskurðir að svoköll­uðum eft­ir­fara­bún­aði, 65 að útskrift á gagna­notkun far­síma, 132 að útskrift á notkun, 29 að upp­lýs­ingum um rétt­hafa, einn að tölvu­sam­skiptum, fimm að mynda­véla­eft­ir­liti, átt að hlust­un­ar­bún­aði og 39 að svo­kall­aðri IMEI-leit.

Kemur þetta fram í skýrslu rík­is­sak­sókn­ara um eft­ir­lit með síma­hlustun og skyldum úrræðum árið 2018. Bæði lög­reglu­emb­ættin á Suð­ur­nesjum og á höf­uð­borg­ar­svæð­inu drógu í rúmt ár að svara bréfi rík­is­sak­sókn­ara sem báðum emb­ættum var skylt að svara. Lög­reglu­emb­ættið á Suð­ur­nesjum hafði ekki svarað bréf­inu þegar skýrslan var gerð í júní, en í sam­tali við Morg­un­blaðið segir Ólafur Helgi Kjart­ans­son, lög­reglu­stjór­inn á Suð­ur­nesjum, að bréf­inu hafi nú verið svarað.

Bréfið var fyrst sent í jan­úar 2017 og erindi þess ítrekað þegar ár var liðið frá því það var sent. „Við svöruðum í síð­ustu viku í sam­ræmi við þann frest sem var feng­inn,“ segir Ólafur. Lög­reglan á höf­uð­borg­ar­svæð­inu svar­aði bréf­inu eftir ítrekun, en öll önnur emb­ætti höfðu svarað því án tafa. Í bréf­inu var beðið um upp­lýs­ingar um hvernig haldið væri utan um með­ferð upp­lýs­inga sem aflað væri með síma­hlustun og skyldum úrræðum. Einnig var beðið um til­nefn­ingu tengiliðs við emb­ætti rík­is­sak­sóknar vegna síma­hlust­ana.