Lög­reglu­maður hróp­aði orðin „go home“ að hæl­is­leit­endum sem mót­mæltu bágum kjörum á Aust­ur­velli í vor. Þetta má sjá á mynd­bands­upp­töku frá 11. mars sem Stundin birtir hér neðst í frétt­inni.

Maðurinn sem lét orðin falla lýsti furðu sinni þegar blaða­maður spurði hann um málið og sýndi honum mynd­bandið. 

„Ég er að reyna að átta mig á sam­heng­inu, og átta mig á hvort ég gæti verið að segja eitt­hvað annað sem hljómar eins. En ég get það ekki,“ sagði hann fyrst. „Þessi tvö orð lýsa nefni­lega alls ekki skoðun minni á hæl­is­leit­endum og inn­flytj­enda­málum.“

Skömmu síðar, eftir að hafa horft aftur á upp­tök­una, sagð­ist hann átta sig á sam­hengi ummæl­anna. „Þarna var ég í basli með að fá mót­mæl­end­urna til að halda sig á gras­inu. „You just need to go somewhere else,“ segi ég þarna rétt á undan, sem í þessu sam­hengi er ekki á stétt­inni. Ég er ekki að segja honum að fara til síns heima­lands.“ 

Hann seg­ist þó skilja hvernig það komi út að lög­reglu­maður hrópi orðin „go home“ að inn­flytj­endum. 

Mótmælin þann 11. mars vöktu mikla athygli, en þar beitti lög­regla piparúða í fyrsta skipti síðan í bús­á­halda­bylt­ing­unni 2009. Sættu aðgerðir lög­reglu nokk­urri gagn­rýni og voru lög­reglu­stjóri og yfir­lög­reglu­þjónn boðuð á fund alls­herjar- og mennta­mála­nefndar Alþingis vegna máls­ins.

Þá kvört­uðu Solaris, hjálp­ar­sam­tök fyrir hæl­is­leit­endur og flótta­fólk, til nefndar um eft­ir­lit með lög­reglu vegna meints harð­ræðis gegn mót­mæl­endum.

„Ég hef ekki heyrt eitt síðan erindi var sent lög­reglu­stjór­anum í byrjun maí,“ segir Sema Erla Serdar, for­maður Solaris, í sam­tali við Stundina. „Nefndin tók ekki beina afstöðu til erind­is­ins heldur sendi það lög­reglu­stjór­anum á höf­uð­borg­ar­svæð­inu til með­ferðar. Samkvæmt lögum ber lög­reglu­stjór­anum þar með að taka afstöðu til kvört­un­ar­innar og skila nefnd­inni sem síðan getur tekið ákvörðun um að hefja með­ferð máls eða ekki.“

Í kjöl­far mót­mæl­anna fór af stað bylgja hat­urs­orð­ræðu á sam­fé­lags­miðlum og athuga­semda­kerfum fjöl­miðla þar sem hæl­is­leit­endur voru úthróp­aðir og hvatt til ofbeldis gegn þeim. Gagn­rýndu þing­menn Mið­flokks­ins og Sjálf­stæð­is­flokks­ins mót­mæl­endur auk þess sem Helgi Magnús Gunn­ars­son vara­rík­is­sak­sókn­ari lýsti van­þóknun sinni á Facebook.