Rík­is­stjórnin stefnir enn að því að breyta skatt­stofni fjár­magnstekju­skatts svo skatt­lagn­ingin mið­ist við raun­á­vöxtun frekar en nafn­á­vöxtun. Með slíkum laga­breyt­ingum yrðu fjár­magns­eig­endur varðir sér­stak­lega fyrir verð­bólgu­á­hrifum.

Áformin hafa verið gagn­rýnd í meiri­hluta­á­litum tveggja fasta­nefnda Alþingis. Engu að síður er nú unnið að slíku frum­varpi í fjár­mála- og efna­hags­ráðu­neyt­inu sam­kvæmt skjali sem nýlega birt­ist í sam­ráðs­gátt stjórn­valda.

„Með frum­varp­inu er ráð­gert að end­ur­skoða stofn fjár­magnstekju­skatts sem m.a. felur í sér mögu­leika á að fær­ast nær því að skatt­leggja raun­á­vöxtun og hvetja til auk­ins sparn­aðar,“ segir í umfjöllun um for­sögu og til­efni laga­setn­ing­ar­á­for­manna. Gert er ráð fyrir að laga­breyt­ing­arnir lækki árlegar tekjur rík­is­sjóðs um 1,2 millj­arða króna. 

Þegar fjár­laga­nefnd og efna­hags- og við­skipta­nefnd Alþingis skil­uðu umsögnum um fjár­mála­á­ætlun rík­is­stjórn­ar­innar í fyrra lögðu meiri­hlutar beggja nefnda til að horfið yrði frá áformum um breyt­ingar á skatt­stofni fjár­magnstekju­skatts og skatt­lagn­ingu raun­á­vöxt­unar fjár­magns í stað nafn­á­vöxt­unar. 

„Skatt­lagn­ing raun­á­vöxt­unar er ekki ein­föld og meiri hlut­inn bendir á að með henni er lík­legt að skatt­lagn­ing fjár­magnstekna verði ekki aðeins flókn­ari heldur einnig ógagn­særri og jafn­vel ill­skilj­an­legri en nú,“ sagði meiri­hluti efna­hags- og við­skipta­nefndar. „Skiptar skoð­anir eru innan meiri hlut­ans um skatt­lagn­ing­una en svo virð­ist sem að með óbreyttri álagn­ing­ar­pró­sentu sé ein­fald­ara og skyn­sam­legra að hækka frí­tekju­mörk fremur en inn­leiða flókna útreikn­inga raun­á­vöxt­unar.“

Fjár­laga­nefnd tók í sama streng og taldi, að óbreyttri álagn­ing­ar­pró­sentu, að ein­fald­ara og skyn­sam­legra væri að „hækka frí­tekju­mark fremur en að inn­leiða flókna útreikn­inga raun­á­vöxt­unar“