Nemendur í grunnskóla kaupa meðal annars merkjavöru fyrir fermingarpeninginn. Dæmi eru um áttundu bekkinga í Hagaskóla sem keyptu Fendibelti fyrir fermingarpeninga, einhver í árganginum á Gucci-skólatösku en aðrir láta sig lítt varða þessa merkjavörutísku, sem fer eins og eldur um sinu um ganga skólans. 

Kennari í Hagaskóla og barnasálfræðingur segja augljóst hvaðan efnishyggja ungmennanna komi. „Þetta er rappið, það er augljóst. Hundrað prósent,“ segir Hildur Ásgeirsdóttir, kennari í áttunda bekk í Hagaskóla. 

Fermingarpeningarnir fóru í Fendi

„Ég ætla að þora að segja að í hundrað prósent tilfella eru krakkarnir sem klæða sig svona að hlusta á rapp, svo gott sem eingöngu. Í því sem þau hafa spilað fyrir mig eru rappararnir að rappa um Gucci og þá þykir það auðvitað mjög flott,“ segir Hildur. 

Hildur segir að í 200 manna árgangi áttunda bekkjar í Hagaskóla eigi þetta alls ekki við um alla, um sé að ræða ákveðnar týpur og vinahópa. …