Bjarni Benediktsson, lögfræðingur, fyrrverandi formaður Sjálfstæðisflokksins, forsætisráðherra, fjármálaráðherra og utanríkisráðherra, hefur verið ráðinn sem framkvæmdastjóri Samtaka atvinnulífsins (SA). Hlutverk hans verður að sinna hagsmunagæslu fyrir samtökin, aðildarfélög þeirra úr sjávarútvegi, orkugeiranum, fjármálakerfinu, iðnaði, verslun og víðar, og þau yfir 2.000 fyrirtæki sem eiga þar aðild. Standa þau að baki um 70% allra launagreiðslna á almennum vinnumarkaði.
Það hefur verið þekkt – en umdeilt – bæði hérlendis og erlendis að stjórnmálamenn fái stöður hjá hagsmunasamtökum að stjórnmálaferli loknum en raunar var Bjarni virkur þátttakandi í viðskiptalífinu fyrstu fimm ár stjórnmálaferils síns þó að umfang þátttöku hans hafi ekki orðið ljóst fyrr en síðar.
Bjarni tekur við nýja starfinu 1. mars næstkomandi en það var 6. janúar í fyrra sem hann tilkynnti skömmu eftir alþingiskosningar að hann hygðist hætta á þingi og segja af sér formennsku í Sjálfstæðisflokknum. Flokkurinn hafði þá hlotið sína verstu kosningu frá upphafi og fékk í fyrsta sinn …
Athugasemdir