Það virðist sem það sé að verða æ erfiðara fyrir almenning að sækja opinberar upplýsingar, um heim allan, þar eð ríkisstjórnir beita æ fleiri leiðum til að torvelda fjölmiðlum að komast yfir slíkar upplýsingar. Hér á Trínidad og Tóbagó varaði fyrrverandi ríkissaksóknarinn og þingmaðurinn Ramesh Maharaj við því á dögunum að lýðræði á eyjunum væri ógnað sökum þess að fyrir liggja áform um að gera breytingar á upplýsingalögum landsins, án opinbers samráðs.  

Maharaj sagði fyrirhugaðar breytingar ekki í þágu almennings og að þær myndu hindra fólk í að nálgast upplýsingar. „Upplýsingar eru súrefni lýðræðisins“ sagði Maharaj. Með breytingunum sem nú er stefnt að því að gera á upplýsingalögunum gæti biðtími eftir því hvort krafa um upplýsingar væri samþykkt eða hafnað orðið allt að hálft ár. Þá myndi embætti ríkissaksóknara hafa um það að segja hvort opinberar upplýsingar yrðu veittar eða ekki en þau völd telur Maharaj fráleitt að liggi hjá …