Þessi grein birtist upphaflega í Stundinni fyrir meira en 5 árum.

Siðanefnd vísar kæru Þórðar frá en telur „fréttaskýringu“ Sigurðar ekki vera fréttaskýringu

Siðanefnd blaða­manna tel­ur að efni sem Sig­urð­ur Már Jóns­son blaða­mað­ur kynnti sem frétta­skýr­ingu sé ekki frétta­skýr­ing og falli því ut­an gild­is­sviðs siða­reglna blaða­manna. „Kannski væri best að siðanefnd­in, eða Blaða­manna­fé­lag Ís­lands, upp­lýsi bara um það um hvaða fjöl­miðla siða­regl­urn­ar eigi við og hverja ekki og sömu­leið­is hvaða blaða­menn séu til þess falln­ir að ákveða sjálf­ir eðli skrifa sinna og hverj­ir ekki,“ seg­ir Þórð­ur Snær Júlí­us­son í sam­tali við Stund­ina.

Siðanefnd vísar kæru Þórðar frá en telur „fréttaskýringu“ Sigurðar ekki vera fréttaskýringu
Siðanefnd tekur ekki afstöðu Siðanefnd Blaðamannafélags Íslands telur sig ekki geta fjallað efnislega um kvörtun Þórðar Snæs sökum þess að siðareglur félagsins nái ekki til skrifa Sigurðar Más. Það er vegna þess að í efnisyfirliti Þjóðmála hafi grein Sigurðar Más verið merkt sem „umfjöllun“ en ekki frétt eða fréttaskýring.

Siðanefnd Blaðamannafélags Íslands hefur vísað frá kæru Þórðar Snæs Júlíussonar, ritstjóra Kjarnans, gegn Sigurði Má Jónssyni og Gísla Frey Valdórssyni og ætlar ekki að taka málið til efnislegrar meðferðar. Tilefni kærunnar var umfjöllun Sigurðar Más um Kjarnann sem birtist í nýjasta hefti Þjóðmála sem Gísli Freyr ritstýrir. Þórður hefur gagnrýnt skrifin harðlega og taldi siðareglur blaðamanna ná til þeirra í ljósi þess að Sigurður Már hefur sjálfur lýst umfjölluninni sem „fréttaskýringu“

Í kæru sinni tiltók Þórður ýmis atriði sem farið var ranglega með í greininni og greindi frá tölvupóstssamskiptum sínum við Sigurð Má þar sem Sigurður hefði „ekki sýnt vilja til að leiðrétta þær skýru staðreyndavillur og annars konar rangfærslur sem er að finna í fréttaskýringunni né beiðnum um að biðja fólk sem gerðar eru upp skoðanir og hvatir í fréttaskýringunni afsökunar“. 

Að mati siðanefndar ná hins vegar siðareglur Blaðamannafélags Íslands ekki til skrifanna í ljósi þess að í efnisyfirliti Þjóðmála er greinin merkt sem „umfjöllun“ en ekki frétt eða fréttaskýring. „Telur siðanefnd umrædda umfjöllun fremur bera persónulegan keim með framsetningu höfundar á skoðunum sínum á miðlinum fremur en rökstudda greiningu eða fréttaskýringu,“ segir í niðurstöðu nefndarinnar.

Einn nefndarmanna ósammála

Einn nefndarmanna, Friðrik Þór Guðmundsson, var ósammála meirihlutanum um frávísun málsins og taldi að leggja ætti lýsingu Sigurðar Más sjálfs á skrifum sínum sem „fréttaskýringu“ til grundvallar og taka kæruna til efnismeðferðar.

Athygli vekur að Jóhannes Tómasson er einn þeirra siðanefndarmanna sem standa að niðurstöðunni. Jóhannes var upplýsingafulltrúi dómsmálaráðuneytisins þegar Gísli Freyr Valdórsson, annar hinna kærðu, var aðstoðarmaður Hönnu Birnu Kristjánsdóttur innanríkisráðherra. Gísli fékk síðar refsidóm fyrir að leka afbökuðum trúnaðarupplýsingum um hælisleitendur til fjölmiðla í lekamálinu svokallaða en Jóhannes stýrði upplýsingagjöf ráðuneytisins og gaf út yfirlýsingar fyrir hönd þess þegar málið stóð sem hæst.

Sigurður Már lýsir sjálfum sér sem blaðamanni og grein sinni í Þjóðmálum sem fréttaskýringu.

Þórður Snær segir í samtali við Stundina að sér þyki úrskurðurinn illskiljanlegur. „Siðanefnd neitar að taka efnislega fyrir skrif sem höfundurinn sjálfur skilgreinir sem fréttaskýringu, vegna þess að hún telur sig vita betur hvers eðlis efnið sé og skilgreinir það sem skoðanagrein. Þannig kemur siðanefndin sér undan því að taka afstöðu til alls ellefu ummæla höfundar sem við teljum borðleggjandi að brjóti gegn 1. og 3. grein siðareglna Blaðamannafélags Íslands, þar sem öll kærð ummæli eru ósannindi, aðdróttanir, afbakanir eða hugarburður höfundar,“ segir hann.

„Samkvæmt úrskurði siðanefndar þá eru væntanlega öll skrif í Þjóðmálum, sem er skráður fjölmiðill hjá Fjölmiðlanefnd með birta ritstjórnarstefnu, þess eðlis að þau falli ekki undir siðareglur Blaðamannafélags Íslands. Því má birta hvað sem er um hvern sem er á þeim vettvangi. Kannski væri best að siðanefndin, eða Blaðamannafélag Íslands, upplýsi bara um það um hvaða fjölmiðla siðareglurnar eigi við og hverja ekki og sömuleiðis hvaða blaðamenn séu til þess fallnir að ákveða sjálfir eðli skrifa sinna og hverjir ekki.“

Fleiri kæra skrif Sigurðar 

Þórður bendir á að þótt úrskurði siðanefndar verði ekki áfrýjað sé ljóst að ansi margir einstaklingar hafi orðið fyrir barðinu á „þessum rætna atvinnurógi sem birtist um Kjarnann í Þjóðmálum í síðasta mánuði“. Þannig geti margir kært mál er varða grein Sigurðar Más til siðanefndar.

Það hefur raunar Magnús Halldórsson, annar starfsmaður Kjarnans, þegar gert. Að sögn Þórðar hefur sú kæra að geyma viðbótarupplýsingar um ritstýringu á grein Sigurðar Más og nýjar upplýsingar um að fyrir hafi legið að greinin væri ekki skoðanagrein áður en hún var birt.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Fjölmiðlamál

Hundruð milljóna taprekstur fjölmiðla telst ekki til fjárhagserfiðleika
ÚttektFjölmiðlamál

Hundruð millj­óna ta­prekst­ur fjöl­miðla telst ekki til fjár­hagserf­ið­leika

Stærst­ur hluti Covid-styrkja til fjöl­miðla fer til þriggja sem töp­uðu hundruð­um millj­óna í fyrra. Lilja Al­freðs­dótt­ir mennta­mála­ráð­herra vildi að smærri miðl­ar fengju meira. And­staða var á Al­þingi og ekki er vit­að hvort fjöl­miðla­frum­varp verð­ur aft­ur lagt fram. Pró­fess­or seg­ir pen­ing­um aus­ið til hags­muna­að­ila.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár