„Við ætlum ekki að hringja í lög­regl­una því þessir tveir herra­menn hérna eru lög­reglan. Svo við munum bara nota þá.“ 

Þannig komst Ármann Kr. Ólafsson, bæj­ar­stjóri Kópavogs, að orði þegar hann stýrði fundi hverf­is­fé­laga Sjálf­stæð­is­flokks­ins um þriðja orku­pakk­ann upp úr hádegi. 

Tveir hæl­is­leit­endur höfðu staðið upp og beint spurn­ingum, ótengdum við­fangs­efni fund­ar­ins, að ráð­herrum sem við­staddir voru, þeim Þórdísi Kolbrúnu Reyk­fjörð Gylfa­dóttur dóms­mála­ráð­herra og Guðlaugi Þór Þórð­ar­syni utan­rík­is­ráð­herra. 

Þegar hæl­is­leit­end­urnir neit­uðu að ljúka máli sínu og setj­ast niður gekk að þeim maður, merktur Sjálf­stæð­is­flokknum, og hót­aði að fjar­lægja þá með valdi.

Hann þreif í einn hæl­is­leit­and­inn og ýtti við honum. „Við erum lög­reglan. Sittu kyrr,“ sagði hann. Þá þreif hann í annan erlendan mann sem þó hafði ekki tekið til máls og reyndi að reka hann út.

Vil­hjálmur Þor­steins­son fjár­festir, sem við­staddur var fund­inn og sat fyrir aftan hæl­is­leit­end­urna, birtir mynd­band af upp­á­kom­unni á Facebook. 

„Hér á fundi Sjálf­stæð­is­flokks­ins um þriðja orku­pakk­ann varð upp­á­koma þegar hæl­is­leit­endur í hópi fund­ar­gesta ósk­uðu þess að spyrja ráð­herrana spurn­inga um sín mál­efni,“ skrifar hann. „Athygli vakti þegar ein­hverjir gaurar hér í borg­ara­legum fötum merktir Sjálf­stæð­is­flokknum með nafn­spjöldum sögð­ust vera lög­reglan og ætl­uðu að taka mál í eigin hendur með vald­beit­ingu.“

Vil­hjálmur lýsir aðdrag­and­anum með þeim hætti að mað­ur­inn hafi beðið um orðið og fengið hljóð­nema í hend­urnar til að bera upp spurn­ingu sína. „Lætin byrj­uðu þegar hann hóf spurn­ingu sína á ensku, þá var honum strax illa tekið af fund­ar­mönnum og fund­ar­stjóra,“ skrifar hann á Facebook.