Örplast er skil­greint sem plast sem er minna en 5 mm í þver­mál. Það er að finna í ýmsum vörum sem við nýtum okkur dags­dag­lega, til dæmis í sumum snyrti­vörum, svo sem hreinsikremum og tann­kremum. Auk þess er ýmis fatn­aður gerður úr plast­efnum. Þegar slíkur fatn­aður er þveg­inn í þvotta­vél losnar örplast úr fatn­að­inum og á þaðan greiða leið út í hafið, líkt og rann­sókn frá árinu 2017 sýndi fram á.

Örplast staðfest í djúpsjávardýrum

Hversu mik­ill örplast­vand­inn er í raun og veru kemur lík­lega einna skýr­ast fram í nið­ur­stöðum rann­sóknar sem birtar voru í síð­ustu viku. Í grein sem birt var í tíma­rit­inu Royal Society Open Science af vís­inda­mönnum við Newcastle-háskóla er fjallað um það að örplast er að finna í líf­verum sem eiga heim­kynni sín á dýpstu svæðum hafs­ins.