Hlut­hafar í HB Granda fá greiddan 1,8 millj­arða arð vegna rekstr­ar­árs­ins 2018 þann 30. apríl næst­kom­andi. Þetta kemur fram í árs­reikn­ingi HB Granda sem birt­ist í gær.

Af þessum tæp­lega 2 millj­örðum munu 674 millj­ónir renna til Útgerð­ar­fé­lags Reykja­víkur sem áður hét Brim. Guð­mundur Krist­jáns­son, for­stjóri HB Granda, er 75 pró­senta eig­andi félags­ins en systk­ini hans, Sigurrós Krist­jáns­dóttir og Hjálmar Þór Krist­jáns­son eiga hvort um sig 12,5 pró­senta hlut á móti honum. Aðrir stórir hlut­hafar í HB Granda eru líf­eyr­is­sjóðir, einkum Líf­eyr­is­sjóður versl­un­ar­manna, Líf­eyr­is­sjóður starfs­manna rík­is­ins og Gildi líf­eyr­is­sjóður.

Hagnaður af rekstri sam­stæð­unnar nam 32,2 millj­ónum evra sam­kvæmt rekstr­ar­reikn­ingi, eða um 4,4 millj­örðum króna. Til sam­an­burðar hagn­að­ist HB Grandi um 24,8 millj­ónir evra árið 2017. Eignir sam­stæð­unnar í árslok námu 667  millj­ónum evra eða um 91 millj­arði króna. 

„Rekstr­ar­af­koma HB Granda var ekki ásætt­an­leg á árinu 2018. Hagnaður fyr­ir­tæk­is­ins hefur verið að minnka á síð­ustu árum vegna styrk­ingar íslenskrar krónu og hærri veiði­gjalda,“ er haft eftir Guðmundi Krist­jáns­syni í til­kynn­ingu frá HB Granda. „Á seinni hluta árs­ins 2018 veikt­ist íslenska krónan og það styrkir útflutn­ings­fyr­ir­tæki. Árið 1992 fjár­festi HB Grandi í sjáv­ar­út­vegs­fyr­ir­tæki í Síle. Þetta fyr­ir­tæki seldi lax­eld­is­fyr­ir­tæki sitt á síð­asta ári og fékk HB Grandi tölu­verðan hagnað af þeirri sölu og skýrir það að hluta góða afkomu á síð­asta árs­fjórð­ungi 2018.“

Guð­mundur, stærsti eig­andi HB Granda, var að með­al­tali með 2,7 millj­óna króna tekjur á mán­uði árið 2017 sam­kvæmt álagn­ing­ar­skrá rík­is­skatt­stjóra. Árið 2016 fékk hann meira en millj­arð í fjár­magnstekjur.

HB Grandi er það útgerð­ar­fyr­ir­tæki sem ræður yfir mestum afla­hlut­deildum á Íslandi, en síð­asta sumar tók Guð­mundur við for­stjóra­stöðu í fyr­ir­tæk­inu. Umsvif hans í íslenskum sjáv­ar­út­vegi eru þannig gríð­ar­leg.

Samkvæmt nýj­ustu upp­lýs­ingum Fiski­stofu um afla­hlut­deildir útgerða réð Brim, sem nú heitir Útgerð­ar­fé­lag Reykja­víkur, yfir 3,71 pró­sentum afla­heim­ilda á Íslandi og Ögurvík, dótt­ur­fé­lag Brims, yfir 1,62 pró­sentum. HB Grandi, í 37 pró­senta eigu Brims, fer með 10,4 pró­sent afla­heim­ilda og Vinnslu­stöðin, sem Brim á um 33 pró­sent hlut í, fer með 4,11 pró­sent. Samtals eru þetta um 20 pró­sent heild­ar­kvót­ans í sjáv­ar­út­vegi.