Ég fór í stóra aðgerð í síðustu viku. Ekki misskilja, ég var algerlega heill heilsu, en ákvað sem sagt á gamals aldri að láta leiðrétta smá verksmiðjugalla, svokallaðu holubringu, eða það sem sumir kalla innfallinn brjóstkassa.

Þetta er ættgengur andskoti og veldur því að pláss fyrir hjarta og lungu er af skornum skammti. Mamma heitin var með þetta, við fengum þetta svo tveir bræður af fjórum systkinum. Bróðir minn lét laga sína holu í kringum 1980 en einhvern veginn var ég ekki tilbúinn í það. Öll börnin mín þrjú fengu þetta svo frá mér og eru nú þegar búin að láta lagfæra, tvö þau yngri á síðasta ári og sá elsti í byrjun janúar.

Ég ákvað að láta slag standa og henda mér í þetta líka, enda er svona frekar mælt með þessu til að „frelsa hjartað“. Þetta er töluverð aðgerð og í raun heilmikið inngrip þar sem tveimur bogalaga …