Norska lög­reglan gerði hús­leit á eignum Thor­bjørns Jagland, fyrr­ver­andi for­sæt­is­ráð­herra, í dag, að sögn lög­manns hans, í kjöl­far þess að rann­sókn hófst á spill­ingu vegna sam­skipta Jaglands við banda­ríska kyn­ferð­is­brota­mann­inn Jeffrey Epstein.

Jagland er til rann­sóknar eftir að skjöl sem banda­ríska dóms­mála­ráðu­neytið birti í jan­úar gáfu til kynna að Jagland og/eða fjöl­skylda hans hafi dvalið eða farið í frí með Epstein á árunum 2011 til 2018, þegar Jagland var for­maður Nóbels­nefnd­ar­innar sem veitir frið­ar­verð­launin og var einnig fram­kvæmda­stjóri Evr­ópu­ráðs­ins.

Lögregla frá sér­hæfðri efna­hags­brota­deild, Økokrim, „er nú að fram­kvæma hús­leit á heim­ili Thor­bjørns Jagland og í frí­stunda­hús­næði hans“, sagði Anders Brosveet, lög­maður Jaglands, í yfir­lýs­ingu.

Økokrim hefur til­kynnt Evr­ópu­ráð­inu að verið sé að rann­saka hvort gjafir, ferða­kostn­aður, einka­frí og lán sem nefnd eru í Epstein-skjöl­unum geti talist mútur sem Jagland þáði frá Jeffrey Epstein í tengslum við stöðu sína sem aðal­rit­ari.

Norski frétta­mið­ill­inn VG hefur eftir Pål K. Lønseth, yfir­manni Økokrim, að aðgerð Evr­ópu­ráðs­ins hafi opnað á rann­sókn­ina.

„Hús­leit­irnar tengj­ast yfir­stand­andi rann­sókn á Jagland, sem Økokrim gat haldið áfram eftir að Evr­ópu­ráðið aflétti frið­helgi hans í gær. Í kjöl­far hús­leit­anna er Jagland nú grun­aður um stór­fellda spill­ingu. Økokrim mun yfir­heyra Jagland,“ segir Lønseth í yfir­lýs­ingu.