Íslandi stafar líklega ógn af samtökum sem fremja hryðjuverk í nafni náttúruverndar. Þessu er haldið fram í nýrri skýrslu Hagfræðistofnunar Háskóla Íslands um þjóðhagsleg áhrif hvalveiða sem unnin var fyrir atvinnuvegaráðuneytið.
Aðalhöfundur skýrslunnar er Oddgeir Á. Ottesen, hagfræðingur og fyrrverandi þingframbjóðandi og varaþingmaður Sjálfstæðisflokksins fyrir Suðurkjördæmi.
Skýrsluhöfundur segir hryðjuverkaógnina ekki vera „af þeirri stærðargráðu að Íslendingar eigi að hætta að veiða hvali“. Þá verði að huga að því að fleiri kröfur geti komið frá hryðjuverkamönnunum ef þeim finnist þeir hafa náð árangri.
„Benda má á að mörg lönd í heiminum hafa sett sérstök lög til að vinna gegn uppgangi hryðjuverkasamtaka. Ef til vill er tilefni til slíkrar lagasetningar á Íslandi,“ segir í skýrslunni.
Bent er á að samtökin Sea Shepherd hafa látið til sín taka víða um heim allt frá 1977 og núverandi leiðtogi samtakanna, Paul Watson, er eftirlýstur af Alþjóðalögreglunni fyrir innbrot, eignaspjöll, ofbeldi og fleira.
Eins og frægt er sökktu félagar í samtökunum Sea Shepherd tveimur bátum Hvals hf. í Reykjavíkurhöfn árið 1986 í mótmælaskyni gegn hvalveiðum.
Hvalveiðar
Inga ætlar að standa með atvinnuvegaráðherra „fram í rauðan dauðann“
Dauðastríð, fíflaskapur og eftirför: Allt það helsta um hvalveiðitímabilið
Langreyður háði dauðastríð í rúman hálftíma
Sigldu með dauðan hval fram hjá fólki í hvalaskoðun
Hvalveiðar „ómannúðlegar og með öllu tilgangslausar“
Athugasemdir