Hinn 8. janúar síðastliðinn ávarpaði Donald Trump Bandaríkjaforseti þjóð sína í beinni útsendingu á besta útsendingartíma, eða klukkan níu um kvöldið að staðartíma á austurströnd Bandaríkjanna. Allar helstu sjónvarpsstöðvar sýndu beint frá Hvíta húsinu sem gerist sjaldan á þessum tíma kvölds. George W. Bush fékk að flytja slíkt ávarp árið 2006 en þegar Obama hugðist gera það sama árið 2014 var honum neitað.
Tilefnið af ávarpi Trumps var enda ærið; bandarískum ríkisstofnunum var lokað á dögunum vegna þess að hann gat ekki komist að samkomulagi við þingmenn Demókrataflokksins um fjárlög. Bitbeinið er 5 milljarða dollara fjárveiting sem Trump krefst til að geta hafist handa við að reisa múr á landamærum Bandaríkjanna og Mexíkó. Afleiðingar þess að loka ríkisstofnunum með þessum hætti eru ekki miklar í fyrstu en margfaldast hratt eftir því sem dagarnir líða og opinbera kerfið byrjar að riða til falls.
Það var enginn sáttartónn …
Athugasemdir