Þingmenn Mið­flokks­ins fóru hörðum orðum um Lilju Alfreðs­dóttur, mennta- og menn­ing­ar­mála­ráð­herra, á Klaustri Bar þann 20. nóv­em­ber síð­ast­lið­inn. 

Hvatti Gunnar Bragi Sveins­son til þess að þeir myndu „hjóla í hel­vítis tík­ina“. Þá virð­ast ummæli þar sem kona er sögð hafa „engan kyn­þokka“, og kyn­þokka sem sé „einn og þrettán“ vísa til Lilju Alfreðs­dóttur.

Stundin hefur undir höndum upp­töku af sam­skipt­unum, en þing­menn­irnir voru háværir og vakti hegðun þeirra athygli.

Í upp­tök­unni hneyksl­ast Bergþór Ólason, Sig­mundur Davíð Gunn­laugs­son og Gunnar Bragi á vali Lilju Alfreðs­dóttur á aðstoð­ar­manni í mennta­mála­ráðu­neyt­inu. Lilja valdi nýlega Jón Pétur Zimsen, skóla­stjóra Rétt­ar­holts­skóla, í stöð­una. Gera þeir lítið úr  því að Lilja hafi skipað „sér­fræð­ing“ og segj­ast hafa fengið skila­boð frá henni áður en til­kynnt var um skip­un­ina.

Þingmenn Mið­flokks­ins telja sig eiga harma að hefna gagn­vart Lilju Alfreðs­dóttur. „Ef að Lilja hefði ein­hvern áhuga á að tengj­ast við okkur þá hefði hún hringt í sumar,“ segir Gunnar Bragi. „Auðvitað“ og „alveg aug­ljóst“ svara Sig­mundur Davíð og Bergþór.

Gunnar Bragi hrópar þá: „Henni er bara fokk­ing sama um hvað við erum að gera. Hjólum í hel­vítis tík­ina! Það er bara málið. Af hverju erum við að hlífa henni? Ég er að verða brjál­aður! Af hverju erum við að hlífa henni?“

Sig­mundur svarar á þá leið að hann skilji sjón­ar­miðin mjög vel. „Ég get algjör­lega sjálfum mér um kennt,“ segir hann og vísar þar vænt­an­lega til þess þegar Lilja var skipuð utan­rík­is­ráð­herra að hug­mynd hans árið 2016 eftir að Panama­skjölin komu fram og Sig­mundur þurfti að segja af sér emb­ætti for­sæt­is­ráð­herra.

„Ég er búinn að láta þessa konu yrða á mig aftur og aftur,“ segir Sig­mundur Davíð.

„Það hefur engin gugga teymt mig meira á asna­eyr­unum en hún, sem ég hef ekki fengið að ríða,“ bætir Bergþór við og vísar þar lík­lega til Lilju. „Og hún hefur teygt ykkur miklu lengur. Ég er bara nýbú­inn að kynn­ast henni. Þegar við hitt­umst í skötu­veisl­unni fyrir nokkrum árum þá vissi ég ekki að hún væri til.“

„Það er alveg rétt hjá þér,“ segir Sig­mundur Davíð. „Henni er ekki treystandi og hún spilar á karl­menn eins og kven­fólk kann.“

„Who the fuck is that bitch?“ segir einn þing­mann­anna um Lilju og annar segir „Fuck that bitch“.

„Þú getur riðið henni, skil­urðu,“ segir Bergþór og virð­ist einnig vísa til Lilju.

Stundin fjall­aði með ítar­legum hætti um þá kven­fyr­ir­litn­ingu sem birt­ist í sam­skiptum þing­mann­anna í gær­kvöldi. Athygli vakti að Bergþór Ólason mætti ekki til vinnu í morgun og var fjar­ver­andi á fundi umhverfis- og sam­göngu­nefndar.

Í fréttum Stund­ar­innar í gær kom meðal ann­ars fram að Bergþór hefði kallað Ingu Sæland, for­mann Flokks fólks­ins, „húrr­andi klikk­aða kuntu“ auk þess sem þing­menn­irnir hefðu gant­ast með að það væri eðli­legt að kona sem væri ekki jafn „hot“ og áður yrði látin gjalda fyrir það í próf­kjörum. „Það fellur hratt á hana,“ sagði Bergþór um stjórn­mála­konu.