Judy Medith Achieng Owuor, sem rekur ólöglega gistirýmið Hotel Africana í Hafnarfirði, hefur verið dæmd til tveggja ára og þriggja mánaða fangelsisvistar í tveimur málum undanfarið rúmt ár. Dómarnir eru fyrir umferðar-, fíkniefna- og hegningarlagabrot sem og brot gegn barnaverndarlögum.

Stundin hefur áður fjallað um Hotel Africana-gististaðinn við Reykjavíkurveg í Hafnarfirði. Rýmið er hvorki á skrá sýslumanns yfir heimagistingar né gististaði með rekstrarleyfi. Kona frá Póllandi sagðist hafa verið svikin af Judy eftir tímabundna gistingu þar og erfitt sé að leita réttar síns. Judy jós fúkyrðum yfir konuna í smáskilaboðum þegar hún óskaði eftir endurgreiðslu á tryggingarfé.

Judy hefur haldið áfram að leigja út gistirými eftir að dómarnir féllu. Hefur hún auglýst herbergi til leigu reglulega á leiguhópum á Facebook frá því í vor fram til loka september. Af því má draga þá ályktun að afplánun hennar …